Ramentevoir, remémorer

2110 HISTOIRE DE BAYART

noys en son langaige à jouer des cousteaulx, lesquelz soubdainement misrent leurs cymeterres en besongne, et n'y eut cappitaine ni autre qui n'eust dix coups après sa mort; puis leur couppèrent les têtes qu'ilz picquoient au bout de leurs estradiotes^ et disoient qu'ilz n'estoient pas chrestiens. Hz avoient estrange habillement de teste, car il estoit comme ung chapperon de damoyselle; et où ilz mettoient la teste, cela estoit garny de cinq ou six gros papiers colez ensemble, de façon que une espée n'y faisoit nem plus de mal que sur une secrète. Le siège fut mis devant Montselles, qui se fîst canonner l'espace de quatre ou cinq jours , et n'eust jamais esté pris, veu la fortiffication qu'on y avoit faicte, n'eust esté que ceulx qui estoient dedans sortoient pour venir à l'escarmouche, et bien souvent jusques à ung bon gect de pierre de leur fort, contre les adventuriers françois, qui vouluntiers eussent esté veoir quel il faisoit en la place. Par une après-disnée que l'on n'y pensoit point, les gens du cappitaine Molart, avecques ung gentilhomme qui se nommoit le baron de Montfaucon^, allèrent escarmoucher ceulx du chasteau, qui gaillardement y vindrent ; et faisoient merveilles, tellement que deux ou trois fois repoulsèrent assez lourdement les adventuriers, et une fois entre autres les chassèrent trop loing, tellement que quant ilz se cuydèrent

1. On appelait estradiote la. cavalerie légère composée en général d'Albanais. Uestradiote désigne également le cimeterre dont ils étaient armés.

2. Gabriel de Montfaucon, baron dudit lieu, châtelain d'Aigues- Mortes, chambellan du roi, fils de Guy de Montfaucon et d'Anne Sauvestre.

retirer, se trouvèrent lassez, dont lesditz adventuriers s'apperceurent, qui les chassèrent vivement, et de façon qu'ilz entrèrent pesle-mesle parmy les ennemys dedans la place. Quant ceulx qui la gardoient virent qu'ilz estoient perduz, se retirèrent en une grosse tour, où incontinent ilz furent assiégez, et bouta-on le feu au pied. La pluspart s'y laissa brusler plustost que se rendre. Les autres sortoient par les créneaulx, qui estoient receuz sur la pointe des picques par les adventuriers ; brief, il en eschappa bien peu en vie. Il y fut tué du costé des François ung gentilhomme nommé Gamican, et le baron de Montfaucon blessé à la mort. Toutesfois il en eschappa, mais ce fust à bien grant peine.

On fist remparer la place et y mist-on grosse garnison, cuydant aller mettre le siège à Padoue; mais nouvelles vindrent que le pape Julles estoit révolté et qu'il alloit faire la guerre au duc de Ferrare ^ lequel estoit allyé du roy de France, auquel ledit duc en avoit amplement escript pour estre secouru ; à quoy le roy voulut bien obtempérer, et escripvit au grant maistre, son lieutenant général, luy bailler secours; ce qu'il fist, car il envoya les seigneurs de Montoison, de Fontrailles, de Lude* et le

1. Le prétexte de Jules II pour faire la guerre au duc de Ferrare était que ce prince détenait la ville de Gommachio et en exploitait les salines qui ruinaient celles que le pape possédait à Gervia. En outre le duc percevait abusivement certains péages sur le Pô au détriment des sujets du pape.

2. Philibert de Glermont, s' de Montoison, gouverneur de Ferrare, surnommé le gentil Montoison. A Fornoue, Gharles VIII l'appela à son aide en s' écriant : A la rescousse, Montoison ! Ce

%\% HISTOIRE DE BAYART

bon chevalier avecques trois ou quatre mille hommes de pied françois et huyt cens Suysses qu'avoit tiré du pays comme adventuriers ung cappitaine nommé Jacob Zemberc. Eulx arrivez à Ferrare, furent fort bien receuz du duc, de la duchesse et de tous les habitans. Le grant maistre avecques son armée qui luy resta se retira ou duché de Milan, parce qu'il fut adverty que les Suysses, qui ung peu auparavant avoient laissé l'aliance du roy son maistre*, y faisoient une descente et estoient desjà au pont de la Treille^. Quant il arriva il ne séjourna point à Milan; ains, avecques sa gendarmerie, les deux cens gentilzhommes et quelque petit nombre de gens de pied, les alla attendre en la plaine de Galezas^ et leur fist oster tous ferremens de moulins et tous vivres de leur chemin, et qui pis est, à ce qu'on disoit, avoit fait empoisonner tous les vins estans audit lieu de Galezas, jusques où vindrent les Suysses et en beurent tout leur saoul, mais au dyable celluy qui en eut mal. Guères ne furent aux champs que vivres ne leur

cri est resté la devise de cette branche de la maison de Glermont. Il mourut à Ferrare en 1512.

Jacques de Daillon, s"" du Lude, sénéchal d'Anjou, capitaine de 50 hommes d'armes , fils de Jean de Daillon , gouverneur du Dauphiné; il épousa Jeanne d'IUiers.

1. A l'instigation de Mathieu Schiner, évéque de Sion, les Suisses mirent un si haut prix à leur alliance que Louis XII renonça à les employer à l'avenir. Mathieu Schiner était devenu notre mortel ennemi depuis que le roi avait refusé de lui accorder une pension.

2. Treillina, hameau de la commune de San-Germano, province de Novare.

3. Galeazzo, hameau de la commune de Donelasco, province de Pavie.

faillissent , parquoy leur en convint retourner en leur pays où ilz furent tousjours conduitz de près affin qu'ilz ne meissent le feu en nulz villages. Il alla des adventuriers françois audit lieu de Galezas qui voulurent boire du vin qu'on avoit empoisonné pour les Suysses, mais il en mourut plus de deux cens*. Il fault dire que Dieu s'en mesla ou que l'espice estoit demourée au fons du tonneau. Or je laisseray ung peu ceste matière et je retourneray à la guerre du pape et du duc de Ferrare ; mais premier déclaireray une merveilleuse et périlleuse adventure qui advint à ceulx de Lignago en la mesme année.