Quant et quant, ensuite

promist assez; et puis s'en retourna à Montaignane, où luy arrivé donna à entendre à celluy qui l'avoit en garde pour la Seigneurie la menée qu'il avoit faicte à ceulx de Lignago, et que s'ilz vouloient bien jouer leur personnage, ne fauldroient point d'avoir à leur mercy la pluspart de ceulx de la garnison, et par ainsi de ayséement reprendre la place qui leur estoit de merveilleuse importance. Le cappitaine de Montaignane trouva cest advis très bon, et incontinent le fist entendre par homme exprès au providadour messire André Grit, qui amena trois cens hommes d'armes, huyt cens chevaulx légiers et deux mille hommes de pied. De ceste bende à deux ou trois mille dudit Montaignane luy arrivé, envoya deux cens hommes d'armes et mille hommes de pied en embusche, lesquelz furent instruitz laisser passer ceulx qui sortiroient de Lignago, et puis après leur clorre le passage. Hz ne misrent pas en oubly ce qu'on leur avoit chargé, aussi jouèrent-ilz fort bien leur rolle. L'espie de Montaignane retourna pour parler à Guyon de Gantiers, qui luy fist grosse chère, luy demandant qui le menoit ' ; lequel, en homme asseuré respondit : « Bonnes nouvelles pour vous si vous voulez, car à ce soir arrive en nostre ville messire André Grit, avec deux cens chevaulx seullement ; si vous voulez partir une heure ou deux devant jour, je vous conduiray et ne fauldrez point de l'empoigner. > Qui ftit bien aise? ce fut Gantiers, lequel s'en vint incontinent à ses compaignons, mesmement à ung gentilhomme qu'on