Qui le menait, ce qui l'amenait

2116 HISTOIRE DE BAYART

appelloit le jeune Malerbe^ qui portoit leur enseigne, et leur compta l'affaire de point en point. Jamais chose ne fut trouvée meilleure, et quant à leur vouloir n'estoit question que de partir, mais il convenoit avoir congé. Le cappitaine la Grote gardoit encores sur jour quelque peu le lict pour n'estre pas trop bien revenu de sa maladie. Si allèrent vers luy lesditz seigneurs de Gantiers et Malerbe, luy supplier leur donner congé de faire une course où ilz auroient gros honneur etgrant prouffit. Si luy comptèrent l'entreprinse d'ung bout à l'autre. Quant il eut ouy leurs raisons, respondit en sage et advisé chevalier, et dist : « Messeigneurs, vous sçavez que j'ay ceste place sur ma vie et sur mon honneur pour la garder seulement. S'il advenoit que eussiez rencontre autre que bonne, je seroys destruit et perdu à jamais , et davantage le reste de mes jours ne vivroys qu'en mélencolie ; parquoy ne suis pas délibéré de vous donner congé. » Ilz commencèrent à luy faire des plus belles remonstrances du monde en disant qu'il n'y avoit nul dangier, que leur espie estoit asseuré , et tant luy en dirent d'unes et d'autres que moytié de gré, moytié par importunité, leur donna congé; mais au vray dire c'estoit quasi à force. Gela ne leur donnoit riens, car le cerveau boulloit encores dedans leur teste, et à quelque péril que blé se vendist, voulurent essayer leur mauvaise fortune. Hz en advertirent tous leurs compaignons, qu'ilz tirèrent à leur cordelle^; et

1. Peut-être Jacques de Malherbe, s' de Bouillon et d'Écorchebeuf, fils de Guillaume et de Robine de Grieu.

2. Qu'ils tirèrent à leur cordelle, qu'ils entraînèrent à leur avis.

quant ilz congneurent que l'heure approchoit en firent monter jusques à cinquante à cheval, tous honimes d'armes que Malerbe menoit, et environ trois cens hommes de pied que conduysoit Guyon de Gantiers.

Sur les deux heures après minuyt, partirent de Lignago, leur double espie avecques eulx, qui les conduysoit à l'escorchouer. Il n'est riens si certain que c'estoit toute fleur de chevalerie ce qui sortit de Lignago quant à hardiesse, mais jeunesse estoit avecques eulx de compaignie. Hz se misrent ensemble le long du grant chemin qui alloit dudit Lignago à Montaignane, les gens de pied devant et ceulx de cheval à leur esle. Tant allèrent qu'ilz approchèrent la première embusche des gens de la Seigneurie qui estoient en ung petit village, mais ne se doubtans de rien passèrent oultre et poussèrent jusques à ung petit mille de Montaignane. Alors leur dist l'espie : « Messeigneurs , laissez-moy aller, et vous tenez icy tous serrez ; je voys sçavoir dedans la ville quel il y fait pour vous en advertir. » Ilz le laissèrent aller, mais trop mieulx leur eust valu luy avoir couppé la teste, car il ne fut pas si tost arrivé qu'il n'allast au seigneur messire André Grit auquel il dist : « Seigneur, je vous ay amené la corde au col la pluspart de ceulx de Lignago , et n'est possible qu'il s'en peust saulver un seul, si vous voulez, car desjà ont-ilz passé vostre embusche et sont à ung mille d'icy. » Messire André Grit fut incontinent à cheval et tous ses gens pareillement tant de cheval que de pied, et se gectant hors de la ville envoya environ cent hommes de cheval pour escarmoucher, qui bientost trouvèrent

218 HISTOIRE DE BAYART

les François, lesquelz furent joyeulx à merveilles, pensant qu'il n'y eust autre chose, et que le providadour feust en ceste troppe. Les François à cheval commencèrent charger, et les autres tournèrent le dos jusques à ce qu'ilz feussent sur la grosse troppe; laquelle, quant ilz l'apperceurent, s'estonnèrent beaucoup et retournèrent aux gens de pied ausquelz ilz dirent : « Nous sommes trahiz, car ilz sont trois mille hommes ou plus ; il fault essayer à nous saulver. » Ceulx de la Seigneurie les suyvoient à grosse furye criant : « Marco ! Marco ! a carne ! a carne M » et chargèrent rudement les François lesquelz misrent leurs gens de pied devant, et leurs gens de cheval sur leur queue pour les soutenir; et de fait reculèrent sans perdre jusques au village où estoit la première embusche des Véniciens qui, au son de la trompette, suyvant la charge qu'ilz avoient, commencèrent à sortir et se gectèrent entre Lignago et les François ; par ainsi furent enclos et assailliz par deux costez. Et fault entendre que depuis que Dieu créa ciel et terre, pour le petit de gens ne fut mieulx combatu pour ung jour, car le combat dura plus de quatre heures sans que les François qui tousjours se retiroient peussent estre deffaictz. D'une chose s'advisa messire André Grit; c'est qu'il fit gecter sur les esles quelques arbalestriers de cheval, qui vindrent donner dans les gens de pied, de sorte qu'ilz leur firent rompre une partie de leur ordre. Toutesfois tousjours se retirèrent vers leur place, laquelle ilz approchèrent

1. A carne, cette exclamation répond à peu près au français : en pièces.

à quatre mille ; mais là les convint demeurer, car ilz furent chargez par tant d'endroitz et de telle sorte que la pluspart des hommes d'armes furent mis à pied, car leurs chevaulx turent tuez. Quant Guyon de Gantiers veit que tout estoit perdu, comme ung lyon eschaufifé, va entrer dedans les gens de pied de la Seigneurie où il fist merveilles d'armes, car il en tua de sa main cinq ou six; mais il avoit trop petit nombre au pris des autres, si luy fut force là demourer abatu et tué avecques tous ses trois cens hommes, sans que nul en eschappast vif. Le cappitaine Malerbe c'estoit, avecques si peu de gens à cheval qu'il avoit encores, tiré aux champs, où il combatit l'espace d'une grosse heure, mais enfin il fut prins prisonnier et vingt et cinq de ses compaignons. Le demeurant y mourut, et pour conclusion n'eschappa homme vivant pour en aller dire les nouvelles à Lignago.

Quant messire André Grit veit du tout la victoire sienne, se va adviser d'une subtilité. G'est qu'il fist tous les gens de pied françois , qui estoient mors, despouiller et désarmer, et en fait vestir des siens autant, prent les habillemens des gens d'armes, leurs chevaulx et plumailz, et les baille à de ses gens ; et davantage leur bailla cent ou six vingtz de ses hommes qu'ilz emmenoient comme prisonniers, et leur faisoit conduyre trois faulcons que ceulx de Lignago avoient menez ; puis leur dist : « Allez en ceste sorte jusques à Lignago, et quant serez auprès cryez : « France ! France ! victoire ! victoire ! » Geulx de dedans penseront que ce soyent leurs gens qui ayent gaigné; et pour encores mieulx leur donner à

220 HISTOIRE DE BAYART

congnoistre, oultre leurs enseignes, emporterez encores deux ou trois des nostres; je ne fais nulle doubte qu'ilz ne vous ouvrent la porte. Saisissez-vous en, et je seray à un ject d'arc de vous, et au son de la trompette je me rendray là incontinent. Ainsi, aujourd'huy, si sçavez bien conduyre l'affaire, reprendrons Lignago, qui est de telle importance à la Seigneurie que sçavez. » Ce qui leur fut commandé fut très bien exécuté, et menant feste et joie approchèrent d'ung gect d'arc Lignago, sonnant trompettes et clérons. Le seigneur de la Grote avoit ung lieutenant en la place qui s'appelloit Bernard de Villars, ancien sage chevalier qui avoit beaucoup veu. Il monta sur la tour du portail pour veoir venir ses gens qui démenoient si grant joie, affin de leur faire ouvrir la porte. Il regarda de loing leur contenance, dont il s'esbahyt, et dist à ung qui estoit auprès de luy : « Velà les chevaulx et les acoustremens de noz gens, mais m'est advis que] ceulx qui sont dessus ne chevauchent point à nostre mode et ne sont point des nostres, ou je suis déceu. Il y pourroit bien avoir du malheur en nostre endroit, et le cueur le me juge. Je vous prie, descendez et faictes abaisser la planchette du pont et puis dictes qu'on la retire. Si ce sont noz gens, vous en congnoistrez assez ; si ce sont ennemys, pensez de vous saulver à la barrière. J'ay icy deux pièces chargées; s'il est besoing, en serez secouru. » Au dire du cappitaine Bernard descendit le compaignon, qui sortit hors de la place, cuydant venir au devant de ses gens, en demandant : « Qui vive? où est le cappitaine Malerbe? » Hz ne respondirent riens, mais cuydans que le pont feust abaissé, commencé-

rent à course de cheval marcher. Ledit compaignon se sauva tellement quellement en la barrière. Alors furent tirées les deux pièces d'artillerie, qui les arrêta sur le cul. Ainsi fut saulvée la place de Lignago pour ceste fois, mais les François y eurent grosse honte et perte, dont plusieurs s'apperceurent. Quant le povre seigneur de la Crote eut entendu le piteux affaire, il cuyda mourir de dueil . Le roy de France en fut desplaisant à merveilles et luy en cuyda en faire faire ung mauvais tour; mais cela s'appaisa par le moyen du seigneur Jehan- Jacques, qui estoit pour lors venu en France pour tenir sur fonds madame Renée, fille du roy Loys douziesme et de Anne, sa femme, duchesse de BretaigneS lequel luy fîst plusieurs remonstrances à la descharge dudit seigneur de la Crote. Or, laissons ce propos et retournons au pape Julles second, qui marchoit vers Ferrare.