CHAPITRE XLIII

Comment le bon chevalier sans paour et sans reprouche cuyda prendre le pape entre Sainct-Félix et la Myrandolle, et à quoy il tint.

Le bon chevalier s'en vint au duc de Ferrare et au seigneur de Montoison , ausquelz il dist : « Messeigneurs, je suis adverty que demain matin le pape veult desloger de Sainct-Félix pour aller à la Myrandolle. Il y a six grans n^He de l'ung à l'autre. J'ai advisé une chose, si la trouvez bonne, dont il sera mémoire d'icy à cent ans. A deux mille de Sainct- Félix, y a deux ou trois beaulx palais qui sont habandonnez pour l'occasion de la guerre ; je suis délibéré toute ceste nuyt m'en aller loger avec cent hommes d'armes, sans paige ne varlet, dedans l'ung de ses palais, et demain au matin, quant le pape deslogera de Sainct-Félix (je suis informé qu'il n'a que ses cardinaulx, évesques et prothonotaires et bien cent chevaulx de sa garde), je sortiray de mon embusche ; et n'y aura nulle faulte que je ne l'empoigne,

226 M HISTOIRE DE BAYART

car l'alarme ne sçauroit estre si tost au camp que je ne me sauve, veu qu'il n'y a que dix mille d'icy là. Et prenez le cas que je f eusse poursuivy, vous, monseigneur, dist-il au duc de Ferrare, et monseigneur de Montoison, passerez le matin le pont avecques tout le reste de la gendarmerie et me viendrez attendre à quatre ou cinq mille d'icy pour me recueillir, si par cas fortuit m'arrivoit inconvénient. » Oncques chose ne fut trouvée meilleure que la parolle du bon chevalier, ne restoit que à l'exécuter ; ce que guères ne tarda, car toute la nuyt après avoir bien fait repaistre les chevaulx print cent hommes d'armes tous esleuz et puis, après que chascun fut en ordre comme pour attendre le choc, s'en va avecques son espie le beau pas, droit à ce petit village. Si bien luy advint qu'il ne trouva ne homme ne femme pour estre descouvert, et se logea environ une heure devant jour. Le pape qui estoit assez matineux estoit desjà levé, et quant il veit le jour monta en sa lictière pour tirer droit en son camp et devant estoient prothonotaires, clercs et officiers de toutes sortes qui alloient pour prendre le logis ; et sans penser aucune chose, s' estoient mis à chemin. Quant le bon chevalier les entendit, ne fîst autre demeure, ains sortit de son embusche et vint charger sur les rustres qui, comme fort effrayez de l'alarme, retournèrent picquans à bride abatue dont ilz estoient par tiz, crians : « Alarme ! alarme ! » Mais tout cela n'eust de riens servy que le pape, ses cardinaulx et évesques n'eussent esté prins, sans ung inconvénient qui fut très bon pour le Sainct-Père et fort malheureux pour le bon chevalier. C'est qu'ainsi que le pape fut monté en sa lictière

et sorty hors du chemin de Sainct-Félix, ne fut pas à ung gect de boulle qu'il ne tumbast du ciel la plus aspre et véhémente neige qu'on eust veu cent ans devant , mais c'estoit par telle impétuosité que l'on ne voyoit pas l'ung l'autre. Le cardinal de Pavye^ qui estoit alors tout le gouvernement du pape, lui dist : « Pater Sancte, il n'est pas possible d'aller par pays cependant que cecy durera. Il est plus que nécessaire, et me semble que devez, sans tirer oultre, retourner. » Ce que le pape accorda, qui ne sçavoit riens de l'embusche. Et de malheur, ainsy que les fuyans retournoient et le bon chevalier à pointe d'esperon les chassoit sans se vouloir arrester à prendre personne, car là ne s'estendoit point son courage, sur le point qu'il arrivoit à Sainct-Félix, le pape ne faisoit qu'entrer dedans le chasteau. Lequel au cry qu'il ouyt eut telle frayeur que subitement et sans ayde sortit de sa lictière, et luy-mesmes ayda à lever le pont, qui fut fait d'homme de bon esperit, car s'il eust autant demouré qu'on mectroit à dire ung Pater noster, il estoit croqué. Qui fut bien marry? ce fut le bon chevalier, car encores qu'il sceust le chasteau n'estre guères fort et qu'en ung quart d'heure se pourroit prendre, si n'avoit-il nulle pièce d'artillerie; et puis d'ung autre costé pensoit bien qu'il seroit descouvert incontinent à ceulx du camp de la Myrandolle, qui luy pourroient faire recevoir une honte. Si se mist au retour après qu'il eut pris tant de prisonniers qu'il voulut, où entre autres il y avoit deux

1. François Aledosi, évêque de Pavie et de Bologne, cardinal en 1505, néàln^ola; il fut tué par le duc d'Urbin, ainsi que nous le verrons plus loin.

%%S HISTOIRE DE BAYART

évesques portatifz^ et force muletz de cariage, que ses gens d'armes emmenèrent. Mais oncques homme ne retourna si mélancolie qu'il estoit d'avoir failly si belle prinse, combien que ce ne fut pas sa faulte, car jamais entreprinse ne fut mieulx ne plus subtillement conduicte. Quant il fut arrivé vers le duc de Ferrare, le seigneur de Montoison et ses autres compaignons qu'il trouva à six mille de leur pont pour le recevoir et secourir si besoing en eust eu, et qu'il leur eut compté sa deffortune^, furent bien marris; toutesfois ilz le réconfortèrent le mieulx qu'ilz peurent, luy remonstrant que la faulte n'estoit pas venue de luy, et que jamais homme ne fist mieulx. Ainsi l'emmenèrent tousjours, devisans de joyeuses parolles et preschans, avecques leurs prisonniers, dont dessus le chemin en renvoyèrent à pied la pluspart. Les deux évesques payèrent quelque légière rançon et puis s'en retournèrent. y.p «y

Le pape demoura dedans le chasteau de Sainct- Félix, lequel de la belle paour qu'il avoit eue trembla la fiebvre tout au long du jour, et la nuyt manda son nepveu, le duc d'Urbin, qui le vint quérir avecques quatre cens hommes d'armes et le mena en son siège, où il fut tant que la MyrandoUe fut prise. Bien y demoura trois sepmaines devant, et ne l'eust jamais eue sans ung inconvénient qui advint ; c'est qu'il neigea bien six jours et six nuytz sans cesser, et tellement que la neige estoit dedans le camp de la haulteur d'ung homme. Après la neige il

1. Evesques portatifs (episcopi portantes), évêques sans charge d'âmes ou in partibus.