Deffortune, mauvaise fortune

gela si fort que les fossez de la Myrandolle le furent de plus de deux grans piedz , en sorte que de dessus le bort tumba ung canon avecques son affust, qui ne rompist point la glace. L'artillerie du pape avoit fait deux bonnes et grandes berches ; ceulx qui est oient dedans n'espéroient aucunement que de part du monde on leur allast lever le siège, car le seigneur de Chaumont, grant-maistre de France et gouverneur de Milan, avecques le reste de l'armée du roy son maistre, se tenoit à Rege\ laquelle il faisoit remparer chascun jour, doublant que le pape, après la prise de la Myrandolle, n'allast là : lequel avoit grosse puissance, car la pluspart de l'armée du roy d'Espaigne estoit avecques luy, et celle des Véniciens, qui jà avoient prins son aliance. Si eut conseil le conte Alexandre et la contesse de rendre la ville, les vies franches; mais le pape vouloit tout avoir à sa mercy. Toutesfois cela se traicta par le moyen du duc d'Urbin qui avoit tousjours le cueur françois , car le roy de France Loys douziesme l'avoit nourry en jeunesse, et sans luy le Sainct-Père n'eust pas esté si gracieux-. Quant les nouvelles de la prise de la Myrandolle furent sceues ou camp du duc de Ferrare, toute la compaignie en fut desplaisante à merveilles. Le duc se doubta que bientost seroit assiégé à Ferrare; si defïist son pont et se retira avecques toute son armée en sa ville, délibéré jusques au derrenier jour de sa vie la garder. Le pape ne daigna entrer dedans la ville de la Myrandolle par la porte ; il fist faire ung pont par