Vindrent jusques auprès d'une petite rivière profunde à
236 HISTOIRE DE BAYART
une grosse heure à passer, tellement qu'il estoit jour tout cler, dont le duc eut mauvaise oppinion, et parce qu'il n'oyoit point tirer d'artillerie doubtoit que sa place feust perdue. Mais ainsi qu'il en parloit aux cappitaines françois, va ouyr trois coups de canon tout d'une bende, dont luy et toute la belle et bonne compaignie furent fort joyeulx. Il n'y avoit pas plus d'ung mille jusques aux ennemys ; si commencea à dire le bon chevalier : « Messeigneurs, j'ay ouy tousjours dire que celluy est fol qui n'estime son ennemy ; nous sommes près des nostres, ilz sont trois contre ung, s'ilz sçavoient nostre entreprinse, sans nulle faulte nous aurions de l'affaire et beaucoup, car ilz ont artillerie, et nous n'en avons point. Davantage j'ay entendu que ce qui est devant la Bastide est toute la fleur de l'armée du pape ; il les fault prendre en désarroy qui pourra. Je suis d'oppinion que le bastard du Fay, mon guydon, qui est homme sçavant en telles matières, par le costé où sont venuz les ennemys leur aille dresser l'alarme avecques quinze ou vingt chevaulx , et le cappitaine Pierrepont sera à ung gect d'arc avecques cent hommes d'armes, pour luy tenir escorte s'il est repoussé , et luy baillerons le cappitaine Jacob Zemberc avecques ses Suysses. Vous, monseigneur, dist-il au duc, monseigneur de Montoison, messeigneurs mes compaignons et moy, yrons droit au siège, où je yray devant leur faire ung alarme.
merveille et estroicte, là où falloit passer sur ung petit pont l'ung après l'aultre, si firent tant qu'il passèrent sans que les ennemys en fussent advertis : leurs gens de pied qui estoient venus par la rivière du Pau furent aussi tost au petit pont que les gens de cheval (Ghampier, fol. xxxi).
Si celluy du bastard est premier dressé, etilz voisent^ I tous là, nous les enclorrons entre luy et nous ; et si ' le nostre est le premier levé, le cappitaine Pierrepont et sa bende de Suysses en feront autant de leur costé. Cela les estonnera tant qu'ilz ne sçauront que faire, car ilz estimeront que nous soyons trois fois plus de gens que nous sommes; et surtout que toutes noz trompettes sonnent à l'aborder. » Oncques chose ne fut trouvée meilleure ; car il fault que tous lisans ceste histoire sachent que ce bon chevalier estoit ung vray registre des batailles, parquoy tout homme pour sa grande expérience se tenoit à ce qu'il disoit.
Or, venons au point. Les deux bendes deslogèrent ; l'une alla par le chemin qu'estoient venuz les ennemys ainsi que ordonné avoit esté , et les autres droit à la place, laquelle ilz approchèrent sans estre aucunement apperceuz de la portée d'ung canon en bute. Si dressa le bastard du Fay ung aspre et chault alarme, qui estonna merveilleusement ceulx du camp ; toustesfois ilz commencèrent à eulx armer, monter à cheval, et aller droit où estoit ledit alarme. Leurs gens de pied se mettoient cependant en bataille, et s'ilz se feussent une fois rengez tous ensemble, il y eust eu combat mortel et dangereux pour les Ferraroys, pour le gros nombre qu'ilz estoient. Mais deux inconvéniens leur advindrent tout à ung coup ; c'est que quant ceulx qui repoussoient le bastard furent à deux cens pas loing, rencontrèrent le cappitaine Pierrepont, qui les rembarra à merveilles, et donna dedans eulx fièrement. Les Suysses commencèrent à marcher, qui
