Bastida di Fossa-Geniolo, province de Ferrare
232 fflSTOIRE DE BAYART
sans cause, car il n'estoit pas à l'heure fort bien garny de gens de guerre ; toutesfois il délibéra de faire son debvoir et d'advertir le duc son maistre de son inconvénient. Les gens du pape ne firent autre séjour, sinon, après eulx estre logez, asseoir leur artillerie, et commencea à batre la place à force. Le cappitaine avoit fait secrètement partir ung homme, par lequel il mandoit au duc son affaire, et que s'il n'estoit secouru en vingt et quatre heures il se voyoit en dur party parce qu'il n'avoit pas gens dedans pour deffendre à la puissance qu'il avoit devant luy.
Le messager fist extrême diligence , et fut environ midy à Ferrare, ainsi ne mist point six heures. Le bon chevalier estoit allé à l'esbat à une porte par où entra le messager, qui fut enquis à qui il estoit et amené devant luy, qui luy demanda dont il venoit; lequel respondit asseuréement : « Monseigneur, je viens de la Bastide, laquelle est assiégée de sept ou huyt mille honmies, et m' envoyé le cappitaine dire au duc que s'il n'est secouru, il ne sçauroit tenir demain tout au long du jour, au moins s'ilz luy livrent assault. — Gomment, mon amy, est si mauvaise la place? — Non, dist le messagier, ains une des bonnes d'Italye; mais il n'a que vingt-cinq hommes de guerre dedans, qui n'est pas pour la deffendre contre la force des ennemys. — Or, venez doncques, mon amy, je vous mèneray devers le duc. » Hz estoient luy et le seigneur de Montoison ensemble sur leurs mules en la place de la ville, devisans des affaires; ilz veirent venir le bon chevalier qui amenoit cest homme, et eurent ymagination que c'estoit une espie. Si dist le seigneur de Montoison s'adressant au bon chevalier :
« Mon compaignon, vous aymeriez mieulx estre mort que nefeissiez tous les jours quelque prinse sur noz ennemys ; combien vous payera ce prisonnier pour sa rançon? — Sur ma foy, respondit le bon chevalier, il est des nostres et nous apporte d'estranges nouvelles, comme il dira à monseigneur. » Lors le duc l'enquist, et puis regarda les lettres que le cappitaine de la Bastide luy escrivoit. En les lisant, chascun le voyoit blesmir et changer de couleur, et quant il eut achevé de lire, haulsa les espaules et dist : « Si je pers la Bastide, je puis bien habandonner Ferrare , et je ne voy pas bien le moyen qu'elle soit secourue dedans le terme que celluy qui est dedans me rescript, car il demande secours dedans demain pour tout le jour, et il est impossible. — Pourquoy, respondist le seigneur de Montoison? » Dist le duc : « Parce qu'il y a vingt et cinq mille d'icy là, et davantage, au temps qu'il fait; il fault passer par ung chemin où, l'espace de demymille, fault aller l'ung après l'autre, et encores y a-il une autre chose, c'est que, si noz ennemys estoient avertis d'ung passage qu'il y a, vingt hommes garderoient dix mille de passer ; mais je croy qu'ilz ne le sçavent pas. » Quant le bon chevalier sans paour et sans reprouche veit le duc ainsi esbahy et non sans cause, luy dist : « Monseigneur, quant il est question de peu de chose, la fortune est aisée à passer, mais quant il y va de sa destruction, on y doit pourveoir par tous les moyens qu'il est possible. Les ennemys sont devant la Bastide, et cuydent estre bien asseurez, parce que, au moyen de ce que la grosse armée du pape est près d'icy, leur est advis que nous n'oserions partir de ceste ville pour leur aller lever le siège. J'ay pensé
234 HISTOIRE DE BAYART
une chose qui sera fort aisée à exécuter, et si le malheur n'est trop contre nous, en viendrons à honneur. Vous avez en ceste ville quatre ou cinq mille hommes de pied, gentilz compaignons et gens aguerriz le possible; prenons-en deux mille avecques les huyt cens Suysses du cappitaine Jacob, et les faisons sur la nuyt en bateaulx mettre sur l'eaue. Vous estes encores seigneur du Pau jusques à Argenté ; ilz nous yront attendre à ce passage que vous dictes. S'ilz y sont les premiers ilz le prendront, et la gendarmerie qui est en ceste ville yra par terre toute ceste nuyt; nous aurons bonnes guydes, et ferons de façon que y serons au point du jour, et ainsi nous joindrons les ungs avecques les autres ; noz ennemys ne se doubteront jamais de ceste entreprinse. Il n'y a du passage que vous dictes, sinon trois mille, ou moins encores jusques à la Bastide ; devant qu'ilz se soient mis en ordre de combatre, leur yrons livrer la bataille aigrement, et le cueur me dit que nous les defferons. » S'on eust donné cent mil escuz au duc n'eust pas esté plus joyeulx ; si respondit en soubzriant : « Par ma foy, monseigneur de Bayart, il ne vous est riens impossible ; mais je vous prometz, sur mon honneur, que si messeigneurs qui sont icy trouvent vostre oppinion bonne, je ne fiais doubte que ne facions de noz ennemys ce que vous dictes, et de ma part, les en supplie tant que je puis*. » Lors mist le bonnet hors
1. Si dict (Bayard) au seigneur de Monteson : « Monsieur, je croy que estes assez adverty que les ennemis on bouté li siège devant la Bastide; il me semble que les devons secourir, et le plus tost sera le meilleur, car la place n'est pas forte » (Ghampier, fol. xxxi). Montoison, d'après le même auteur, interrogea
de la teste. Le seigneur de Montoison, hardy et vertueux cappitaine, respondit : « Monseigneur, nous n'avons mestier de prières en vostre endroit et ferons ce que commanderez, car ainsi l'avons en charge du roy nostre maistre. » Autant en dirent le seigneur du Ludde et le cappitaine de Fontrailles, bien délibérez de faire leur debvoir. Hz envoyèrent quérir les cappitaines de gens de pied, ausquelz ilz déclairèrent l'affaire, qui leur ftit advis estre en paradis. Le duc fist secrètement apprester force barques sans bruyt quelconque, car il y avoit des gens en la ville qui estoient fort bons papalistes.
Les barques prestes , sur le soir se misrent les gens de pied dedans , qui eurent bons et seurs mariniers. Les gens de cheval, où le duc estoit en personne, partirent sur le commencement de la nuyt. Ilz avoient bonnes guydes, et quelque mauvais temps qu'il fist, furent seurement conduytz; et si bien leur advint que, demye-heure devant jour, arrivèrent lesditz gens de cheval au passage, où ilz ne trouvèrent nul empeschement, dont ilz furent très-joyeulx, et ne demoura pas demyeheure que les barques lesquelles amenoient les gens de pied n'arrivassent. Si descendirent, et puis après le petit pas allèrent droit à ce mauvais passage, qui estoit ung petit pont où ne pouvoit passer que ung homme d'armes de fronc, et estoit sur ung canal assez parfond, entre le Pau et la Bastide ^ Hz misrent bien
ensuite les divers capitaines qui adoptèrent unanimement l'avis de Bayart.
