Enseignes, indications

PAR LE LOYAL SERVITEUR. 2i43

si grande lascheté, remonstrant de combien il estoit tenu à la maison de France et que à son grant besoing le roy l'avoit si bien secouru. Le bon chevalier disoit : « Monseigneur, il n'est jà besoing vous excuser de cela, je vous congnois assez. Sur mon âme ! je tiens mes compaignons et moy aussi asseurez en ceste vostre ville que si nous estions dedans Paris, et n'ay pas paour, aydant Dieu, que aucun inconvénient nous adviengne, au moins que ce soit de vostre consentement. — Monseigneur de Bayart, dist le duc, si nous faisions une chose? Le pape veult icy user d'une meschanceté, il luy fault donner la pareille. Je m'en vois encores parler à son homme et verray si je le pourray gaigner et tirer à ma cordelle, de façon qu'il nous puisse faire quelque bon tour. — C'est bien dit, respondit le bon chevalier. » Et sur ces parolles s'en retourna le duc en son palais tout droit en la chambre où il avoit laissé messire Augustin Guerlo, auquel de bien loing entama plusieurs propos et de plusieurs sortes, pour venir à son poinct, qu'il sceut très bien faire venir en jeu quant temps fut, comme vous orrez, disant : « Messire Augustin, j'ay pensé toute ceste matinée au propos que me mande le pape, où je ne puis trouver fondement ne grant moyen pour deux raisons : l'une que je ne me doy jamais fier de luy, car il a dit tant de fois que s'il me tenoit qu'il me feroit mourir, et que j'estoye l'homme vivant qu'il hayoit le plus, et sçay bien qu'il n'y a chose en ce monde qu'il désire autant que d'avoir ceste ville et mes autres terres; parquoy je ne voy point d'ordre que je deusse avoir seureté en luy ; l'autre, que si je dis au seigneur de Bayart, à présent, que je n'ay plus

244 HISTOIRE DE BAYART

que faire de luy ny de ses compaignons, que pourra-il penser? Une fois^ il est plus fort en la ville que je ne suis; peult-estre qu'il me respondra que voulentiers en advertira le roy de France son maistre, ou monseigneur le grant maistre, son lieutenant général deçà les montz, qui cy l'a envoyé, et selon leur response il verra qu'il aura à faire. En ces entrefaictes seroit grandement difficile qu'ilz ne congneussent mon fait, et par ainsi, comme la raison seroit, comme ung meschant m'abandonneroient, et je demourerois entre deux selles le cul à terre, dont je n'ay pas besoing. Mais, messire Augustin, le pape est d'une terrible nature, comme assez sçavez, colère et vindicatif au possible, et quelque chose qu'il vous déclaire de ses secretz affaires, ung de ses matins vous fera faire quelque mauvais tour, et m'en croyez. Oultre plus, s'il vient à mourir, qu'esse que de ses serviteurs? Ung autre pape viendra qui n'en retirera^ pas ung, et est ung très mauvais service qui ne veult estre d'église. Vous sçavez que j'ay des biens et beaucoup, grâces à Nostre-Seigneur, si vous me voulez faire quelque bon service et m'ayder à me deffaire de mon ennemy, je vous donneray si bon présent et assigneray si bonne intrade^ que toute vostre vie serez à vostre aise; et en soyez hardyement asseuré. » Le lasche et meschant paillart avaricieux, quant il eut entendu le duc parler, son cueur mua* soubdainement, et respondit quasi gaigné : « Sur mon âme! monseigneur, vous