Mua, changea

dictes vérité ; aussi y a-il plus de six ans que j'avoye vouloir d'estre à vostre service. Je vous veulx bien asseurer qu'il n'y a homme à l'entour de la personne du pape qui puisse mieulx faire ce que demandez que moy, car la nuyt et le jour je suis auprès de luy, et bien souvent il prent sa colacion de ma main, qu'il n'y a que nous deux quant il me devise de ses trafiques ^ Si vous me voulez bien traicter, devant qu'il soit huyt jours il ne sera pas en vie, et ne veulx riens que je n'aye fait ce que je vous prometz. Aussi, monseigneur, je vouldrois bien n'estre point mocqué après. — Non, non, dist le duc, sur mon honneur! » Si convindrent de marché devant que partir de là. Ce fut que le duc luy bailleroit deux mille ducatz content et cinq cens ducatz d'intrade. Ce fait, fut messire Augustin tousjours bien traicté, que le duc laissa en sa chambre, et retourna devers le bon chevalier qui s'estoit allé esbatre sur les rampars de la ville et s'amusoit à faire nectoyer une canonnière^. Il veit venir le duc, au devant duquel il alla ; et se prindrent par la main, et eulx se promenans sur les rampars loing des gens, commença le duc à dire : « Monseigneur de Bayart, il ne fut jamais autrement que les trompeurs enfin ne feussent trompez. Vous avez bien entendu la meschanceté que le pape m'a voulu faire faire vers vous et les François qui sont icy , et à ceste occasion m'a envoyé ung homme comme sçavez. Je l'ay si bien gaigné et renversé son propos qu'il fera du pape ce qu'il vouloit faire de vous, car dedans