Il y a par erreur scensse dans le texte

bon petit roussin quej'ay depuis trois ou quatre jours en çà recouvert du seigneur d'Uriage^ » Si fut le propos de Tévesque de Grenoble tenu à bon de toute la compaignie, et mesmement du dit seigneur de Bayart, qui luy livra son filz en luy disant : « Tenez, monseigneur, je prie à Nostre Seigneur, que si bon présent en puissez faire, qu'il vous face honneur en sa vie. » Alors tout incontinent envoya le dit évesque à la ville quérir son tailleur, auquel il manda apporter veloux, satin, et autres choses nécessaires pour habiller le bon chevalier. Il vint et besongna toute la nuyt, de sorte que le lendemain matin fut tout prest, et après avoir desjeuné, monta sur son roussin, et se présenta à toute la compaignie, qui estoit en la basse court du chasteau, tout ainsi que si on l'eust voulu présenter dès l'heure au duc de Savoye. Quant le cheval sentit si petit fès^ sur luy, joinct aussi que le jeune enfant avoit ses espérons dont il le picquoit, commencea à faire trois ou quatre saulx, de quoy la compaignie eut paour qu'il affollast le garson ; mais en lieu de ce qu'on cuydoit qu'il deust crier à l'ayde, quant il sentit le cheval si fort remuer soubz luy, d'ung gentil cueur asseuré, comme ung lyon, luy donna trois ou quatre coups d'esperon et une carrière dedans ladicte basse court, en sorte qu'il mena le cheval à la raison comme s'il eust eu trente ans. Il ne fault pas demander si le bon vieillart fut ayse; et soubzriant de joie, demanda à son filz s'il avoit point de paour, car pas

1 . L'édition originale porte par erreur du Riage : il s'agit ici de Guigue Alleman, s' d'Uriage, époux de Marie Grinde, père du capitaine Molart, dont il sera si souvent question dans ce volume.