CHAPITRE XLVII

Comment deux Espaignolz combatirent à oultrance dans la ville de Ferrare.

Le jour mesmes que ce gentil duc de Nemours arriva à Ferrare, le baron de Béarn luy dist que, s'il vouloit, auroit le passetemps de veoir ung combat à oultrance de deux Espaignolz, dont l'ung s'appelloit le cappitaine Saincte-Groix, et avoit esté coulonnel des gens de pied du pape, l'autre se nommoit le seigneur Azevedo, qui avoit aussi eu quelque charge desditz gens de pied. L'occasion de leur combat estoit que ledit Azevedo disoit que le cappitaine Saincte- Croix l'avoit voulu faire tuer meschamment et en trahyson, et qu'il l'en combatroit. L'autre respondoit qu'il avoit menty et qu'il s'en deffendroit. Parquoy estoit venu ledit Azevedo à Ferrare pour soy présenter au duc de Nemours, affin de luy faire donner le camp ; ce qu'il fist après que ledit baron de Béarn le luy eut donné à congnoistre. Ainsi Azevedo, bien aise d'estre asseuré du camp, le manda incontinent à son ennemy Saincte-Groix, qui ne fist pas longue demoure. En attendant sa venue, fut dressé le camp

devant le palais, et deux jours après que fut arrivé Sainte -Croix, lequel vint bien acompaigné, car il avoit bien cent chevaulx de compaignie, dont le principal, et qu'il avoit prins pour son parrain, estoit domp Pedro de Coignes, chevalier de Roddes et prieur de Messine, domp Françoys de Beaumont, qui peu auparavant avoit laissé le service du roy de France et autres, délibéra parfaire ses armes, et entrèrent en camp une journée de mardy, environ une heure après midy. Premier entra l'assaillant, qui estoit Azevedo, avecques le seigneur Fédéric de Bazolo, de la maison de Gonzago', qu'il avoit prins pour son parrain, et si ne sçavoit pas encores comment son ennemy ny en quelles armes il vouloit combatre. Toutesfois, comme bien conseillé, s'estoit garny de tout ce qu'il luy estoit nécessaire en honmies d'armes, à la genète^et à pied en toutes les sortes qu'il povoit ymaginer qu'on sceust combatre. Peu après qu'il fut entré, va devers luy le prieur de Messine, qui fait porter deux secrettes, deux rapières bien trenchantes et deux poignars, lesquelz il présenta au seigneur Azevedo pour choisir. Il print ce qui luy estoit besoing, et ce fait, se mist Saincte-Groix dedans le camp. Tous deux se gectèrent à genoulx pour faire leurs oraisons à Dieu. Après furent tastez par les parrains, sçavoir s'ilz avoient nulles armes soubz leurs vestements. Ge fait, chascun vuyda le camp, qu'il n'y demoura fors les deux combatans, leurs deux parrains

1. Frédéric de Gonzague, prince de Gazzolo et de Bozzolo, fils de Pyrrhus de Gonzague et d'Antoinette de Baux. Il mourut sans postérité.