A la genète, pour un cavalier armé à la légère

et le bon chevalier sans paour et sans reprouche qui, par le duc de Ferrare et pour plus l'honnorer, aussi qu'il n'y avoit homme ou monde qui mieulx s'entendist en telles choses, fut ordonné maistre et garde du camp. Le hérault commencea à faire son cry, tel qu'on a acoutumé faire en telz cas : que nul ne fist signe, crachast ou toussast, ne autres choses dont nul desditz combatans peust estre ad visé. Ce fait, marchèrent l'ung contre l'autre; Azevedo en la main droicte mist sa rappière et en l'autre son poignart, mais Saincte-Groix mist son poignart au fourreau et tint seulement sa rappière. Or vous povez penser que le combat estoit bien mortel, car ilz n'avoient nulles armes sur eulx pour les couvrir. Sagement se gectèrent plusieurs coups ; et avoient chascun bon pied bon œil, et bon besoing leur estoit. Or, après plusieurs coups, Saincte-Groix en rua ung dangereux droit au visage, que Azevedo deffendit subtilement de sa rappière, et en descendant son coup luy couppa tout le hault de la cuysse jusques à l'os, dont incontinent saillit le sang à grosse habondance. Toutesfois que Saincte-Groix cuyda marcher en avant pour se venger, mais il tumba. Quoy voyant par icelluy, Azevedo bien joyeulx s'approcha de son ennemy en luy disant en son langage : « Rendz-toy, Saincte-Groix, ou je te tueray. » Mais il ne respondit riens, ains se mist sur le cul, tenant son espée au poing et faisant ses exclamations, déhbéré plutost mourir que de se rendre. Alors Azevedo luy dist : « Lève-toy doncques, Saincte- Groix, je ne te frapperoys jamais ainsi. » Aussi il y faisoit dengereux comme à ung homme désespéré ; et de grand cueur qu'il avoit se releva, et marcha deux

pas en avant cuydant enferrer son homme, qui recula ung pas rabatant son coup. Si tumba, pour la seconde fois Saincte-Groix, quasi le visage contre terre, et eut Azevedo l'espée levée pour luy coupper la teste, ce qu'il eust bien fait s'il eust voulu ; mais il retira son coup. Et pour tout cela ne se vouloit point rendre Saincte-Groix. La duchesse de Ferrare, avecques laquelle estoit le gentil duc de Nemours, le prioit à joinctes mains qu'il les fîst départir. Il respondoit : « Madame, je le vouldrois bien, pour l'amour devons, mais honnestement je ne puis ne doibz prier le vaincqueur contre la raison . » Saincte-Groix perdoit tout son sang et si plus guères y feust demouré, mort estoit sans nul remède. Parquoy le prieur de Messine, qui estoit son parrain, s'en vint à Azevedo, auquel il dist : « Seigneur Azevedo, je congnois bien au cueur du cappitaine Saincte-Groix qu'il mourroit plustost que se rendre. Mais voyant qu'il n'y a point de moyen en son fait, je me rendz pour luy. » Ainsi demoura victorieux. Si se mist à deux genoulx et fort humblement remercia Nostre-Seigneur. Incontinent vint ung cyrurgien qui estancha la playe de Saincte-Groix, et ses gens le prindrent entre leurs bras et l'emportèrent hors du camp avecques ses armes, lesquelles Azevedo envoya demander; mais on ne les vouloit rendre. Si s'en vint plaindre au duc de Ferrare qui le dist au bon chevalier, lequel eut la commission d'aller dire à Saincte- Groix que, s'il ne vouloit rendre les armes comme vaincu, que le duc le feroit rapporter dedans le camp, où luy seroit sa playe descousue, et le mettroit-on en la sorte que son ennemy l'avoit laissé quant son parrain c' estoit rendu pour luy. Quant il veit que force

^56 HISTOIRE DE BAYART

luy estoit, rendit ses armes au bon chevalier, qui, comme le droit le donnoit, les bailla au seigneur Azevedo, lequel avecques trompettes et clérons fut mené au logis du seigneur duc de Nemours. On luy fist beaucoup d'honneur, mais depuis il en récompensa mal les François, qui luy fut grosse lascheté.

Peu de temps avant, c'estoit fait ung autre combat à Parme, entre deux autres Espaignolz, l'ung nonrnié le seigneur Peralte, qui autresfois avoit esté au service du roy de France, et fut tué d'ung coup de faulcon au camp de la Fosse ^ ainsi que le seigneur Jehan-Jacques chassoit l'armée du pape, et l'autre le cappitaine Aldano. Leur combat fut à cheval, à la genète, la rapière, le poignart, et chascun trois dartz en la main avecques une targuete^. Le parrain de Peralte fut ung Espaignol, et celluy d' Aldano fut le gentil cappitaine Molart. Il avoit tant neigé que leur combat se fist en la place de Parme où on l'avoit relevée, et n'y avoit autres barrières que de neige. Chascun des deux combatans fist très bien son devoir , et enfin le seigneur de Ghaumont, qui avoit donné le camp, les fist sortir en pareil honneur.

Les Véniciens en ce temps vindrent assiéger Véronne, où estoit le seigneur du Plessys ^ pour le roy de France, qui la tenoit en gaige pour aucuns deniers qu'il avoit prestez à l'empereur ; toutesfois ilz n'y

1. Fossa, hameau de la commune de Goncordia, province de Modène.