Le célèbre Pic de la Mirandole

260 HISTOIRE DE BAYART

Quant le gentil duc de Nemours en eut ouy parler, ainsi quejeunes gens appètent^ de veoir choses nouvelles, pria au conte qu'il l'envoyast quérir, ce qu'il fîst ; et vint incontinent. Il povoit estre de l'aage de soixante ans ou environ, homme sec et de moyenne taille. Le duc de Nemours luy tendit la main, et en ytalien luy demanda comment il se portoit; il lui respondit très-honnestement. Plusieurs propos furent tenuz; et entre autres luy fut demandé par le seigneur de Nemours si le vis-roy de Naples et les Espaignolz attendroient la bataille. Il dist que ouy, et que sur sa vie elle seroit le vendredy-sainct ou le jour de Pasques, et si seroit fort cruelle. Il luy fut demandé qui la gaigneroit; il respondit ses propres motz : « Le camp demourera aux François, et y feront les Espaignolz la plus grosse et lourde perte qu'ilz firent cent ans a; mais les François n'y gaigneront guères, car ilz perdront beaucoup de gens de bien et d'honneur, dont ce sera dommage. » Il dist merveilles. Le seigneur de la Palisse luy demanda s'il demoureroit point à ceste bataille ; il dist que nenny, qu'il vivroit encores douze ans pour le moins, mais qu'il mourroit en une autre bataille; autant en dist-il au seigneur d'Imbercourt, et au cappitaine Richebourg^ qu'il seroit en grant dangier d'estre tué de fouldre. Brief, il n'y eut guères de gens en la compaignie qu'ilz ne s'enquissent de leur affaire. Le bon chevaher sans paour et sans reprouche estoit présent qui s'en ryoit, et le gentil duc de Nemours luy dist : « Monseigneur de Bayart,