Louis de Richeboui^, s' de Bergères

mon amy, je vous prie, demandez ung peu à nostre maistre que ce sera de vous. — Il ne fault pas, respondit-il, que je le demande, car je suis asseuré que ce ne sera jamais grant chose; mais puisqu'il vous plaist, je le vueil bien. » Et commença à dire à l'astrologue : « Monsieur nostre maistre, je vous prie, dictes-moy sy je seray une fois grant riche honmie. » Il respondit : « Tu seras riche d'honneur et de vertu autant que cappitaine fut jamais en France, mais des biens de fortune tu n'en auras guères, aussi ne les cherches-tu pas; et si te veulx bien adviser que tu serviras ung autre roy de France après cestuy-cy qui règne et que tu sers, lequel t'aymera et estimera beaucoup ; mais les envieux t'empescheront qu'il ne te fera jamais de grans biens, ne ne te mettra pas aux honneurs que tu auras méritez; toutesfois croy que la faulte ne procédera pas de luy. — Et de ceste bataille que dictes estre si cruelle, en eschapperay-je ? — Ouy, dist-il, mais tu mourras en guerre dedans douze ans pour le plus tart, et seras tué d'artillerie, car autrement n'y finerois-tu pas tes jours, parce que tu es trop aymé de ceulx qui sont soubz ta charge, qui pour mourir ne te laisseroient pas en péril. » Brief, ce fut une droicte farce des propos que chascun luy demanda. Il voyoit qu'entre tous les cappitaines le duc de Nemours faisoit grande privaulté au seigneur de la Palisse et au bon chevalier ; il les tira tous deux à part et leur dist en son langaige : « Messeigneurs, je voy bien que vous aymez fort ce gentil prince icy, lequel est vostre chief ; aussi le mérite-il bien, car sa face à merveilles démonstre sa bonne nature. Donnezvous garde de luy le jour de la bataille, car il est

262 HISTOIRE DE BAYART

pour y demourer. S'il en eschappe ce sera ung des grans et eslevés personnages qui jamais sortist de France , mais je trouve grosse difficulté qu'il en puisse eschapper; et pour ce pensez-y bien, car je veulx que vous me trenchez la teste si jamais homme fut en si grant hazart de mort qu'il sera. » Hélas ! mauldit soit l'heure de quoy il dist si bien vérité. Le bon prince de Nemours leur demanda en soubzriant : « Qu'esse qu'il vous dit, Messeigneurs? » Le bon chevalier respondit, qui changea de propos : « Monseigneur, c'est monseigneur de la Palisse qui luy fait une question, sçavoir mon^, s'il est autant aymé de Reffuge- que Viverolz^ ; il luy dit que non, dont il n'est pas fort content. » De ce joyeulx propos se print à rire Monseigneur de Nemours qui n'y pensa autrement.

Sur ces entrefaictes arriva ung adventurier en la compaignie qu'on disoit estre gentil compaignon, mais assez vicieux, qu'on appelloit Jacquyn Gaumont, et portoit quelque enseigne es bendes du cappitaine Molart. Il se voulut faire de feste comme les autres, et vint à l'astrologue qu'il tira à part, et commença à luy dire : « Viençà, bougre, dy moy ma bonne adventure. » L'autre se sentit injurié, et respondit en homme courroucé : « Va, va, je ne te diray riens, et si as menty de ce que tu me dis. » Il y a voit beau-