Sans secourir, si on ne secourait pas

2. Le texte porte ici et ailleurs Adnogadre, ce qui est évidemment une faute d'impression.

268 HISTOIRE DE BAYART

nye de tous vivres que l'on sçauroit souhaiter pour nature substanter. Dedans icelle sourdent tant de belles fontaines que c'est ung droit paradis terrestre. Il y a trois vallées qui viennent, entre les montaignes, eulx joindre à ladicte ville, dont l'une vient des Almaignes, et les deux autres d'entre le Fryol et Venize, et s'appellent la val Camonegue, la val Tropye, la val Zobye\ et par l'une de ces trois se peult tousjours donner secours à la ville, laquelle estoit garnye de gens du roy de France , et en estoit pour lors gouverneur le seigneur du Ludde, et cappitaine du chasteau ung gentilhomme du pays des Bascoz ^, nommé Herigoye. La grande voulenté qu'avoient les Véniciens de reprendre Bresse n'estoit pas fondée sans raison, car par là affamoient ceulx qui estoient dedans Véronne, et faisoient barbe à ceulx qui vouldroient partir de Milan pour leur en faire porter; mais ilz ne povoient trouver moyen de la ravoir, ny aussi surprendre ceulx qui la gardoient, sans avoir intelligence dedans à quelque gros personnage. Et combien que les habitans fussent bons à Sainct-Marc, personne ne s'osoit aventurer parce que le feu seigneur de Gonty et le bon chevalier, pour une surprise qui leur cuyda estre faicte peu de temps devant, avoient fait coupper la teste à ung des plus apparens de la ville et de la plus grosse maison nommé le conte Jehan-Marie de Martinango ^, qui en estoit le chef, et plusieurs autres furent confinez en France ; toutesfois le dyable, ennemy de tout repos humain, voulut user