Jean-Marie Martinengo, d'une noble famille de Lombardie
de sa science et va semer une discention en ladicte ville, entre deux grosses maisons, l'une de Gambre* et l'autre Advogadre ; mais celle de Gambre estoit beaucoup plus favorisée des François. Ung jour s'esmeut ung débat entre deux des enfans du conte de Gambre et du comte Loys Advogadre, de sorte que celluy de Gambre, qui estoit bien acompaigné, blessa oultrageusement l'autre. Ledit conte Loys Advogadre ne s'en feust sceu venger, car la force n'estoit pas sienne en la ville, si s'en estoit venu à Milan. Aucun temps avoit esté devers le duc de Nemours pour en avoir la justice et réparation. Le bon prince le vouloit, et commanda commissions pour en faire l'information affin de rendre à chascun son droit. Je ne sçay comment il alla, mais enfin n'en eut autre chose; parquoy, comme homme injurié à tort, sans en pouvoir avoir raison, se désespéra, et délibéra de retourner à son naturel ; et faisant semblant d'aller huyt ou dix jours à une sienne possession, s'en va jusques à Venize, devers le duc et la Seigneurie, les induyre à regaigner et remettre entre leurs mains la bonne ville de Bresse, et de ce leur bailla les moyens qu'il falloit tenir, qui pour l'heure sortirent à bon effect. S'il fut le bien venu, ne fault pas demander, car ladicte ville de Bresse estoit la fillole de Sant-Marco. Il fut festoyé trois ou quatre jours comme ung roy ; durant lequel temps prindrent conclusion en leur affaire , et luy fut
1. Jean-François Gambara, comte de Pratelbuino, abandonna le parti des Vénitiens après la bataille de Ghiara d'Adda, pour sauver Brescia, sa patrie, des rigueurs de la guerre.
Le chef de la faction opposée se nommait Louis Avogaro; il paya de sa tête sa révolte.
270 HISTOIRE DE BAYART
promis, au jour par eulx prins et assigné, qu'il n'y auroit nulle faulte que messire André Grit ne se trouvast devant la ville avecques sept ou huyt mille hommes de guerre, sans les villains des montaignes qui descendroient, et que cependant il allast gaigner gens en la ville et faire ses préparatifz. Il s'en vint, et secrètement gaigna et tira à sa cordelle la pluspart des habitans ; le seigneur du Ludde ne se fioit pas trop en eulx, et faisoit chascun jour bon guet , mais il estoit bien mal acompaigné pour se defFendre contre la commune s'ilz eussent eu mauvais vouloir, comme tous eurent ou la pluspart; car cinq ou six jours après, à ung matin, au point du jour, vindrent les Véniciens à une des portes qu'ilz trouvèrent garnye de gens pour la deffendre : si firent sonner l'alarme. Le seigneur du Ludde se mist incontinent en ordre pour là y cuyder donner, mais en amusant les François à la porte, partie des ennemys rompirent certaines grisles de fer par où sortoient les immundices de la ville, et commencèrent à entrer dedans criant : « Marco ! Marco ! » Quant et quant le conte Loys Advogadre se mist sus, et tous ceulx de sa faction, de sorte qu'on eust veu toute la ville en armes. Quant le povre seigneur du Ludde veit qu'il estoit trahy, feist sonner la retraicte à ses gens, et au mieulx qu'il luy fut possible, avecques eulx se retira au chasteau; mais tous les chevaulx, harnois, et habillemens y demourèrent. La contesse de Gambre, qui estoit Françoise, et tous ceulx qui tenoient le party du roy de France s'i saulvèrent. Sur ces entrefaictes furent les portes ouvertes et mis le seigneur messire André Grit dedans. Une grosse pitié fut, car
tous les François qui furent trouvez dedans, sans en prendre ung à mercy, furent mis en pièces. Mais ilz le comparurent^ après, comme vous verrez. La première chose que fîst faire le conte Loys Advogadre quant il veit sa force, ce fut d'aller aux maisons de ceulx de Gambre, lesquelles il fist toutes ruyner et desmolir. Le providadour messire André Grit congneut bien que ce n'estoit pas le plus fort d'avoir eu la ville s'il n'avoitle chasteau, car par là pourroit estre ayséement reprinse. Si l'envoya par une trompette sommer incontinent; mais il perdit sa peine, car trop estoit garny de gaillarde chevalerie. Toutesfois au peuple qui y estoit entré les vivres n'eussent guères duré , et davantage le providadour fist canonner la place à merveilles, et y eut grosse berche faicte. Davantage fist soubdainement dresser deux engins en manière de grues pour approcher de la place, lesquelz portoient bien chascun cent hommes de front. Bref, ilz firent tout ce que possible estoit de faire pour prendre le chasteau. Le seigneur du Lude et le cappitaine Herigoye , bien estonnez de ceste trahison , despeschèrent ung homme devers le duc de Nemours, qui estoit allé avecques toute sa puissance à Boulongne, en l'advertissant de leur inconvénient et davantage que, s'ilz n'estoient secouruz dedans huyt jours, ilz estoient perduz. Le messagier, combien que tous les passages feussent gardez, eschappa et fist si bonne diligence qu'il arriva devant Boulongne, le jour mesmes que le gentil duc avoit levé le siège et refreschy la ville de gens et de vivres. Les lettres
