Valeggio, sur le Mincio, province de Vérone

274 HISTOIRE DE BAYART

avoit cinq ou six pièces d'artillerie, lesquelles il fîst deslacher^ dont de l'une fut tué le porte enseigne du seigneur de Théligny^, cappitaine moult à louer, lequel menoit avecques le bon chevalier les premiers coureurs. Toute la nuyt le bon chevalier avoit eu la fiebvre, et n'estoit point armé, ains estoit en une robbe de veloux noir à chevaucher; mais quant il veit qu'il falloit combatre, emprunta ung halecret^ d'ung adventurier, qu'il mist sur sadicte robbe, et monta sur ung gaillart coursier ; puis avecques son compaignon, le seigneur de Théligny, marcha droit aux ennemys. La grosse troppe de l'avant-garde des François estoit encores bien loing; toutesfois ilz ne laissèrent point de charger, et y eut dure et aspre rencontre, qui dura, tousjours combatant, ung quart d'heure. Cependant en vindrent nouvelles au camp; si furent les François refreschis de gens ; mais quant le cappitaine de la Seigneurie les veit approcher, tourna le doz, se retirant de là où il estoit venu. Il fut chassé longuement, mais jamais ne peut estre pris. Ses gens de pied y demeurèrent, son artillerie et la plupart de ses gens de cheval. Ce fut une gorgiase defFaicte et prouffitable aux François, car s'ilz^ feussent entrez dedans Bresse, jamais n'eust esté reprise. De ceste tant bonne rencontre fut marry et joyeulx le duc de Nemours : joyeulx de ce qu'il estoit victorieux et marry de ce qu'il ne s'i estoit trouvé. Ces nou-