S'ilz, si le secours envoyé par les Vénitiens

velles furent incontinent sçeues au chasteau de Bresse, où ilz firent feu de joye en cinq ou six lieux, car par là se trouvoient asseurez d'estre secourus dedans deux jours; mais s'ilz en avoient joye au chasteau, ilz en eurent bien autant de mélencolie en la ville, congnoissans que c'estoit leur destruction , et se feussent voulentiers retournez les habitans , lesquelz vindrent supplier à messire André Grit qu'il se retirast; mais il n'en voulut riens faire, dont mal luy en print. Le noble prince duc de Nemours s'en vint, après la deffaicte de Jehan-Paule Bâillon, loger à vingt mille de Bresse, et lendemain au pied du chasteau. En marchant, il se trouva quelque nombre de vilains, assemblez en ung petit village, lesquelz voulurent tenir fort, mais enfin furent tous mis en pièces. Quant l'armée des François fut arrivée, incontinent montèrent au chasteau quelques cappitaines pour réconforter les seigneur du Lude et cappitaine Hérigoye, ensemble ceulx qui estoient dedans, et y fut porté force vivres, dont de joye tirèrent dix-huyt ou vingt coups d'artillerie en la ville, qui de telle feste se feussent bien passez les habitans. Le lendemain monta le seigneur de Nemours au chasteau, aussi firent les cappitaines et toute l'armée, où il fut conclud de donner l'assault à la ville, qui fut aspre, dur et cruel.