Gens d'estoffe, gens de résistance

trompettes , qui sonna dès ce qu'il partit du chasteau et marcha jusques au premier rampart des ennemys, où estoient le providadour messire André Grit et tous les cappitaines. Quant la trompette fut arrivée demanda à entrer en la ville ; on luy dist qu'il n'entroit point, mais qu'il dist ce qu'il vouldroit et que s'estoient ceulx qui avoient puissance de luy respondre. Lors fist son message tel que vous avez entendu cy dessus et que s'ilz vouloient rendre la ville on les laisseroit aller leurs vies sauves, sinon et où elle se prendroit d'assault qu'ilz povoient estre tous asseurez de mourir. Il luy fut respondu qu'il s'en povoit bien retourner, et que la ville estoit de la Seigneurie, qu'elle y demoureroit, et davantage qu'ilz garderoient bien que jamais François n'y mettroit le pied. Hélas ! les povres habitans se feussent voulentiers renduz, mais ilz ne furent pas les maistres. La trompette revint qui fist sa response; laquelle ouye, n'y eut autre délay, sinon que le gentil duc de Nemours qui desjà avoit ses gens en bataille commença à dire : € Or, messeigneurs, il n'y a plus que bien faire et nous monstrer gentilz compaignons. Marchons, ou nom de Dieu et de monseigneur sainct Denys ! » Les parolles ne furent pas si tost proférées que tabourins , trompettes et clérons ne sonnassent l'assault et l'alarme si impétueusement que aux couars les cheveulx dressoient en la teste et aux hardiz le cueur leur croissoit au ventre^. Les ennemys, oyans ce bruit, deslachèrent

1. Quant le seigneur messire André Grit entendit le cry des Françoys fust moult esmerveillé d'icelle furie et soubdaine entreprinse; adoncques dict à ses gens : « Seigneurs mes amys, aujourd'huy il se fault défendre contre ceste impétuosité galicque;

plusieurs coups d'artillerie, dont entre les autres ung coup de canon vint droit donner au beau mellieu de la troppe du duc de Nemours, sans tuer ne blesser personne, qui fut quasi chose miraculeuse, considéré comme ilz marchoient serrez. Alors se mist à marcher avant le seigneur de Molart et le cappitaine Hérigoye avecques leurs gens, et sur leur esle quant et quant le gentil et bon chevalier sans paour et sans reprouche à pied, avecques toute sa compaignie qui estoient gens esleuz, car la pluspart de ses gens d'armes avoient en leur temps esté cappitaines, mais ilz aymoient mieulx estre de sa compaignie, à moins de bienfait la moictié^ que d'une autre, tant se faisoit aymer par ses vertus! Hz approchèrent près du premier rampart, derrière lequel estoient les ennemys, qui commencèrent à tirer artillerie et leurs hacquebutes aussi dru comme mouches. Il avoit ung peu pluvyné : le chasteau estoit en montaigne, et pour descendre en la ville on couloit ung peu; mais le duc de Nemours, en monstrant qu'il ne vouloit pas demourer des derreniers, osta ses souliers et se mist en eschapins de chausses^. A son exemple le firent plusieurs autres, car à vray dire ilz s'en soutenoient mieulx. Le bon chevalier et le seigneur de Molart combatirent à ce rampart furieusement : aussi fut-il merveilleusement

tenons-nous fortz deulx ou troys heures, car les Franco ys de nature resemblent la flambe du feu de paille que soubdainement est grande et merveilleuse, mais ne dure guyère et est tost estaincte » (Ghampier, fol. xxxiv).

1 . A moins de bienfaict la moitié, avec une solde moitié moins forte.

2. Eschapins de chausse, escarpins légers que les cavaliers portaient sous la pièce d'armure qui protégeait leur pied.

bien defFendu. Les François cryoient : « France! France ! » ceulx de la compagnie du bon chevalier cryoient : « Bayart ! Bayart ! » les ennemys cryoient : « Marco ! Marco ! » Bref ilz faisoient tant de bruyt que les hacquebutes ne povoient estre ouyes. Messire André Grit donnoit merveilleux courage à ses gens, et en son langaige ytalien leur disoit : « Tenons bon, mes amys, les François seront tantost lassez ; ilz n'ont que la première pointe, et si ce Bayart estoit deffaict, jamais les autres n'approcheroient. » Il estoit bien abusé, car s'il avoit grant cueur de deffendre, les François l'avoient cent fois plus grant pour entrer dedans ; et vont livrer ung assault merveilleux, par lequel ilz repoussèrent ung peu les Véniciens. Quoy voyant le bon chevalier, commencea à dire : « Dedans, dedans, compaignons! ilz sont nostres; marchez, tout est deffaict. » Luymesmes entra le premier et passa le rampart, et après luy plus de mille, de sorte qu'ilz gaignèrent le premier fort, qui ne fut pas sans ce bien batre ; et y en demoura de tous les costez, mais peu de Françoise Le bon chevalier eut ung coup de picque dedans le hault de la cuysse, et entra si avant que le bout rompit, et demoura le fer et ung bout du fust dedans. Bien cuyda estre frappé à mort de la douleur qu'il sentit. Si commencea à dire au seigneur de Molart : « Compaignon, faictes marcher voz gens , la ville est gaignée; de moy je ne sçaurois tirer oultre, car je suis mort. » Le sang luy sortoit en habondance ; si luy

1. Bayardus etiam et alii cum Gastone P'uxo, dimissis equis, in ipsam urbem cum magno sui et suorum periculo descenderunt et apertis foribus alii Galli Brixiam circumdantes ingressi sunt (Aymar du Rivail, p. 553).

^82 HISTOIRE DE BAYART

fut force ou là mourir sans confession, se retirer hors de la foulle avecques deux de ses archiers, lesquelz luy estanchèrent au mieulx qu'ilz peurent sa playe avecques leurs chemises qu'ilz descirèrent et rompirent pour ce flaire ^ Le povre seigneur de Molart, qui ploroit amèrement la perte de son amy et voisin, car tous deux estoient de l'escarlate des gentilzhommes, comme ung lyon furieux, délibéré le venger, commencea rudement à pousser et le bon duc de Nemours, et sa flote- après, qui entendit en passant avoir le premier fort esté gaigné par le bon chevalier, mais qu'il y avoit esté blessé à mort, si luy-mesmes eust eu le coup n'eust pas eu plus de douleur ; et commencea à dire : « Hé! messeigneurs mes amys, ne vengerons-nous point sur ses villains la mort du plus acomply chevalier qui feust au monde ! Je vous prie que chascun pense de bien faire. » A sa venue furent Véniciens maltraictez, et guerpirent la cytadelle, faisans myne se vouloir retirer vers la ville et lever le pont, car trop eussent eu affaire les François par ce moyen ; mais ilz furent poursuyvis si vivement qu'ilz passèrent le palais et entrèrent pesle-mesle en la grant place, en laquelle estoit toute leur force, la gendarmerie et chevaulx légiers bien à cheval avecques les gens de pied en bataille bien ordonnée selon leur for-

1 . Un des capitaines Vénitiens s'approucha de Bayard et luy i)ailla en la cuisse d'une picque si grant coupt qu'il luy bouta le fer dedans la cuisse. Lors voyant Bayard qu'il estoit moult blecé, de son espée frappa contre la picque près la cuisse et la couppa, et après plus fort frappa contre ses ennemys nonobstant que le fer de la picque fut demeuré en la cuisse bien avant (Ghampier, fol. xxxiv).