Fils naturel de Jean II, duc de Clèves, mort en

2. Louis de Brezé, grand sénéchal de Normandie. Le même qui est nommé plus haut Maulevrier.

278 HISTOIRE DE BAYART

avecques luy; mais si les ennemys ont point de gens d'estoffe* et bien congnoissans la guerre avecques eulx, comme je croy que ouy, sachez qu'ilz les mettront à la pointe, et pareillement leurs hacquebutiers. Or, en telz affaires, s'il est possible, ne fault jamais reculler; et si d'adventure ilz repoussoient lesditz gens de pied et ilz ne feussent soutenuz de gendarmerie, il y pourroit avoir gros désordre ; parquoy je suis d'advis que avecques mondit seigneur de Molart on mecte cent ou cent cinquante hommes d'armes qui seront pour beaucoup mieulx soustenir le fès que les gens de pied qui ne sont pas ainsi armez. » Lors dist le duc de Nemours : « Vous dictes vray, monseigneur de Bayart ; mais qui est le cappitaine qui se vouldra mettre à la mercy de leurs hacquebutes ? — Ce sera moy, s'il vous plaist, monseigneur, respondit le bon chevalier, et croyez que la compaignie dont j'ay la charge fera aujourd'huy de l'honneur au roy et à vous et tel service que vous en appercevrez. » Quant il eut parlé n'y eut cappitaine qui ne regardast l'ung l'autre, car sans point de faulte le faict estoit très dangereux. Toutesfois il demanda la charge et elle luy demoura. Quant tout fut conclud, encores dist le duc de Nemours : « Messeigneurs, il fault que selon Dieu nous regardions à une chose. Vous voyez bien que si ceste ville se prent d'assault elle sera ruynée et pillée, et tous ceulx de dedans mors, qui seroit une grosse pitié. Il fault encores savoir d'eulx avant qu'ilz en essayent la fortune s'ilz se vouldroient point rendre. » Gela fut trouvé bon , et le matin y fut envoyé une des