Appertises, exploits

284 HISTOIRE DE BAYART

repaistre. Le providadour messire André Grit veitbien qu'il estoit perdu sans remède, si plus attendoit ; parquoy, après avoir couru de rue en rue pour eschapper la fureur, descendit de son cheval, et se gecta en une maison, seulement avecques ung de ses gens, où il se mist en defFense quelque peu ; mais doublant plus gros inconvénient, fist enfin ouvrir le logis où il fut prins prisonnier. Bref, nul n'en eschappa qui ne feust mort ou prins ; et fut ung des plus cruelz assaulx qu'on eust jamais veu , car des mors, tant des gens de guerre de la Seigneurie que de ceulx de la ville, y eut nombre de plus de vingt mille, et des François ne s'en perdit jamais cinquante, qui fut grosse fortune. Or, quant plus n'y eut à qui combatre, chascun se mist au pillage parmy les maisons. Et y eut de grosses pitiez ; car, comme povez entendre, en telz affaires il s'en trouve tousjours quelques-ungs meschans, lesquelz entrèrent dedans monastères, firent beaucoup de dissolutions, car ilz pillèrent et desrobèrent en beaucoup de façons, de sorte qu'on estimoit le butin de la ville à trois millions d'escuz^ Il n'est riens si certain que la prinse de Bresse fut en Ytalie la ruyne des François, car ilz avoient tant gaigné en ceste ville de Bresse que la pluspart s'en retourna et laissa la guerre; et ilz eussent fait bon mestier à la journée de Ravenne, que vous entendrez cy-après.

11 fault sçavoir que devint le bon chevalier sans paour et sans reprouche après qu'il eut gaigné le premier fort,

1. La prise de Brescia eut lieu le 19 février 1512. Les historiens les plus modérés estiment à huit à dix mille le nombre des personnes tuées durant le sac de la ville; d'autres, tels que Fleurange, portent ce chiffre à quarante mille.

et qu'on l'eut si lourdement blessé que contrainct avoit esté à son grant regret de demourer avecques deux de ses archiers. Quant ilz veirent la cytadelle gaignée, en la première maison qu'ilz trouvèrent desmontèrent ung huis sur lequel ilz le chargèrent, et le plus doulcement qu'ilz peurent, avecques quelque ayde qu'ilz trouvèrent, le portèrent en une maison la plus apparente qu'ilz veirent là à l'entour; c'estoit le logis d'ung fort riche gentilhomme, mais il s'en estoit fuy en ung monastère, et sa femme estoit demourée au logis en la garde de Nostre-Seigneur, avecques deux belles filles qu'elle avoit, lesquelles estoient cachées en ung grenier dessoubz du foing. Quant on vint heurter à sa porte conmie constante d'attendre la miséricorde de Dieu, la va ouvrir. Si veit le bon chevalier, que on apportoit ainsi blessé, lequel fist incontinent serrer la porte et mist deux archiers à l'huys, ausquelz il dist : « Gardez sur vostre vie que personne n'entre céans, si ce ne sont de mes gens. Je suis asseuré que, quant on sçaura que c'est mon logis, personne ne s'efforcera d'y entrer. Et pour ce que, pour me secourir, je suis cause dont perdez à gaigner quelque chose, ne vous souciez, vous n'y perdrez riens. » Les archiers firent son commandement, et luy fut porté en une fort belle chambre, en laquelle la dame du logis le mena elle-mesme; et se gectant à genoulx devant luy, parla en ceste manière rapportant son langaige au françois : « Noble seigneur, je vous présente ceste maison et tout ce qui est dedans, car je sçay bien qu'elle est vostre par le debvoir de la guerre, mais que vostre plaisir soit de me saulver l'honneur et la vie, et de deux jeunes filles que mon mary et moy avons, qui

286 fflSTOlRE DE BAYART

sont prestes à marier. » Le bon chevalier, qui oncques ne pensa meschanseté, luy respondit : « Madame, je ne sçay si je pourray eschapper de la playe que j'ay, mais tant que je vivray, à vous ne à voz filles ne sera fait desplaisir non plus que à ma personne. Gardez-les seulement en voz chambres, qu'elles ne se voyent point , et je vous asseure qu'il n'y a homme en ma maison qui se ingère d'entrer en lieu que ne le veuillez bien, vous asseurant au surplus que vous avez céans ung gentilhomme qui ne vous pillera point, mais vous feray toute la courtoysie que je pourray. » Quant la bonne dame l'ouyt si vertueusement parler, fut toute asseurée. Après il luy pria qu'elle enseignast quelque bon cirurgien, et quipeust hastivement le venir habiller^ ; ce qu'elle fist, et l'alla quérir elle-mesmes avecques ung des archiers, car il n'y avoit que deux maisons de la sienne. Luy arrivé, visita la playe du bon chevalier, qui estoit grande et profonde ; toutesfois il l'asseura qu'il n'y avoit nul dangier de mort. Au second appareil le vint veoir le cirurgien du duc de Nemours, appelle maistre Claude, qui depuis le pensa et en fist très bien son debvoir, de sorte qu'en moins d'ung moys fut prest à monter à cheval. Le bon chevalier habillé demanda à son hostesse où estoit son mary; la povre dame toute esplorée luy dist : « Sur ma foy. Monseigneur, je ne sçay s'il est mort ou vif. Bien me doubte, s'il est en vie, qu'il sera dedans ung monastère où il a grosse congnoissance. — Dame, dist le bon chevalier, faictes-le chercher, et je l'envoyeray quérir, en sorte