Habiller, panser

qu'il n'aura point de maP. » Elle se fist enquérir où il estoit et le trouva. Puis fut envoyé quérir par le maistre d'hostel du bon chevalier, et par deux archiers qui l'amenèrent seurement ; et à son arrivée eut de son hoste le bon chevalier joyeuse chère, et luy dist qu'il ne se donnast point de mélencolie et qu'il n'avoit logé que de ses amys. Après la belle et glorieuse prinse de la ville de Bresse par les François, et que la fureur fut passée, se logea le victorieux duc de Nemours, qui n'estoit pas l'éfigie du dieu Mars, mais luy-mesmes; et avant que boyre ne manger assembla son conseil, où furent tous les cappitaines, affin d'ordonner ce qui estoit nécessaire de faire. Premier envoya chasser toutes manières de gens de guerre, qui estoient es religions^ et églises, et fist retourner les dames aux logis avecques leurs marys s'ilz n' estoient plus prisonniers, et peu à peu les asseura. Il convint diligenter à vuyder les corps mors de la ville par peur de l'infection, où on fut trois jours entiers sans autre chose faire , et en trouva l'on vingt et deux mille et plus. Il donna les offices qui estoient vaccans à gens qu'il pensoit bien qui les sceussent faire. Le procès du conte Loys Advogadre fut fait, lequel avoit esté cause de la trahison pour reprendre Bresse, et eut la teste trenchée, et mis

1 . Incontinent que Bayard entra dedans, la dame et ses filles iuy vindrent au devant en pleurs et se gettèrent à genoulx devant luy, si luy cryarent mercy, disant la dame : « Seigneur, je vous « recommande mes filles seulement, prenez tous noz biens, saul- « vez Thonneur de mes filles, — Dame, dict Bayard, où est vostre « mary? » Dist la madame : « Je ne sçay s'il est avecques les « autres en la cité misérablement occis» (Ghampier, fol. xxxv).