Castel San Pietro delV Emilia, province de Bologne

4. Raymond Folch, duc de Gardonna, vicomte de Villamura, gouverneur de Naples. Mort en 1522.

2190 HISTOIRE DE BAYART

roy de Naples, en estoit le chief et avoit en sa compaignie douze ou quatorze cens hommes d'armes, dont les huyt cens estoient bardez ; ce n'estoit que or et azur, et les mieulx montez de coursiers et chevaulx d'Espaigne que gens de guerre qu'on eust sceu veoir. Davantage il y avoit deux ans qu'ilz ne faisoient que aller et venir parmy ceste Rommaigne, qui est ung bon et gras pays et où ilz avoient leurs vivres à souhait. Il y avoit douze mille hommes de pied seullement, deux mille Ytaliens soubz la charge d'ung cappitaine Ramassot, et dix mille Espaignolz, Byscayns et Navarrès que conduysoit le conte Pedro Navarro\ et de toute la troppe des gens de pied estoit cappitaine général ; il avoit autresfois mené ses gens en Barbarye contre les Mores, et avecques eulx avoit gaigné deux ou trois batailles. Brief c'estoient tous gens aguerriz et qui sçavoient les armes à merveilles. Quant le gentil duc de Nemours les eut approchez, commencèrent Espaignolz tousjours à eulx retirer le long de la montaigne, et les François tenoient la plaine. Si furent bien trois sepmaines ou ung moys qu'ilz estoient les ungs des autres à six ou sept mille, mais bien se logeoient tousjours les Espaignolz en lieu fort, et souvent s'escarmouchoient ensemble, en façon que prisonniers se prenoient d'ung costé et d'autre quasi tous les jours. Tant y a que

1. Ce personnage, originaire du nord de l'Espagne, fut trèscélèbre au commencement du xvi^ siècle comme ingénieur. Après avoir d'abord servi les Espagnols, il accepta ensuite un commandement dans les armées françaises. Il quitta le parti des Espagnols parce que, après la bataille de Ravenne, à laquelle il avait été fait prisonnier, ils avaient refusé de payer sa rançon. On trouvera dans le ms. 26115 du fonds fr. de la Bibl. nationale (n" 214) une quittance de lui du 16 mars 1517.

tous les prisonniers françois rapportoient que c'estoit unetriumphe de veoir l'armée des Espaignolz. Toutesfois le gentil duc de Nemours ne tous ses cappitaines et gens de guerre ne désiroient autre chose que à les combatre, mais qu'on les trouvast en lieu marchant. Geste finesse avoient, que tousjours se tenoient en fort; et encores les y alla l'on quérir le jour de la bataille de Ravenne, comme vous orrez. Mais premier parleray comment le bon chevalier sans paour et sans reprouche partit de Bresse pour s'en aller après le duc de Nemours, et de la grande courtoysie qu'il fist à son hostesse.