CHAPITRE Ll

Comment le bon chevalier sans paour et' sans reprouche partit de Bresse pour aller après le duc de Nemours et r armée du roy de France; de la grande courtoysie qu'il fist à son hostesse au partir, et comment il arriva devant la ville de Ravenne.

Environ ung mois ou cinq sepmaines fut malade le bon chevalier sans paour et sans reprouche de sa playe en la ville de Bresse, sans partir du lict; dont bien luy ennuyoit, car chascun jour avoit nouvelles du camp des François, comment ilz approchoient les Espaignolz, et espéroit l'on de jour en jour la bataille, qui à son grant regret eust esté donnée sans luy. Si se voulut lever ung jour et marcha parmy la chambre pour sçavoir s'il se pourroit soustenir. Ung peu se trouva foible, mais le grant cueur qu'il avoit ne luy

292 HISTOIRE DE BAYART

donnoit pas le loysir d'y longuement songer ; il envoya quérir le cyrurgien qui le pensoit alors et luy dist : « Mon amy, je vous prie, dictes-moy s'il y a point de dangier de me mettre à chemin ; il me semble que je suis guéry, ou peu s'en fault, et vous prometz, ma foy, que, à mon jugement, le demourer d'ores en avant me pourra plus nuyre que amender, car je me fasche merveilleusement. » Les serviteurs du bon chevalier avoient desjà dit au cyrurgien le grant désir qu'il avoit d'estre à la bataille, et que tous les jours ne regretoit autre chose ; parquoy ce sachant et aussi congnoissant sa complexion, luy dist en son langaige : « Monseigneur, vostre playe n'est pas encores close ; toutesfois par dedans elle est toute guérie. Vostre barbier vous verra habiller encores ceste fois , et mais que tous les jours au matin et au soir il y mette une petite tente ^ et une amplastre dont je luy bailleray l'oignement, il ne vous empirera point. Et si n'y a nul dangier, car le grant mal de playe est au dessus, et ne touchera point à la selle de vostre cheval. » Qui eust donné dix mille escus au bon chevalier, il n'eust pas esté si ayse. Son cyrurgien fut plus que bien contenté; et se délibéra de partir dedans deux jours, commandant à ses gens que durant ce temps ilz meissent en ordre tout son cas.

La dame de son logis, qui se tenoit tousjours sa prisonnière, ensemble son mary et ses enfans, et que les biens meubles qu'elle avoit estoient siens aussi, car ainsi en avoient fait les François aux autres maisons, comme elle sçavoit bien, eut