Luz, luth

296 HISTOIRE DE BAYART

voulentiers chargez de belles besongnes pour présenter aux dames ; de ma part, me desplaist bien fort que n'en suis bien garny pour vous en faire présent comme je suis tenu. Vecy vostre dame de mère qui m'a donné deux mille cinq cens ducatz que vous voyez sur ceste table ; je vous en donne à chascune mille pour vous ayder à marier, et pour ma récompense vous prierez, s'il vous plaist, Dieu pour moy; autre chose ne vous demande. » Si leur mist les ducatz en leurs tabliers, voulsissent ou non; puis s'adressa à son hostesse, à laquelle il dist : « Madame, je prendray ces cinq cens ducatz à mon prouffit pour les départir aux povres religions de dames qui ont esté pillées, et vous en donne la charge, car mieulx entendrez où sera la nécessité que toute autre. Et sur cela je prens congé de vous ^ » Si leur toucha à toutes en la main, à la mode d'Ytalie; lesquelles se misrent à genoulx, plorans si très fort qu'il sembloit qu'on les voulsist mener à la mort. Si dist la dame : « Fleur de chevalerie, à qui nul ne se doit comparer, le benoist Sauveur et Rédempteur Jésu-Christ, qui souffrit mort et passion pour tous les pécheurs, le vous vueille rémunérer en ce monde icy et en l'autre! » Après s'en retirèrent en leurs chambres. Il fut temps de disner ; le bon chevalier fist appeller son maistre

1. Pro captivitate mulier patricia Brixiensis Bayardo , qui virum suum duasque puellas ab omni violentia militari defenderat, bis mille et quingentos ducatos libère offerebat, rogans genibus flexis ut, pro majori summa sibi débita, bis contentus esset. Bayardus autem duo millia ducatorum puellis donavit ut bonestis nuberent, quinquagentos autem ducatos matri reliquit ut eos pauperibus distribu eret (Aymar du Rivail, p. 553).

d'hostel, auquel il dist que tout feust prest pour monter à cheval sur le midy. Le gentilhomme du logis qui jà avoit entendu par sa femme la grande courtoysie de son hoste, vint en sa chambre, et le genoil en terre le remercia cent mille fois en luy offrant sa personne et tous ses biens, desquelz il luy dist qu'il povoit disposer comme siens à ses plaisir et voulenté, dont le bon chevalier le remercia et le fist disner avecques luy. Et après ne demoura guères qu'il ne demandast les chevaulx, car jà luy tardoit beaucoup qu'il n'estoit avecques la compaignie par luy tant désirée, ayant belle paour que la bataille se donnast devant qu'il y feust. Ainsi qu'il sortoit de sa chambre pour monter, les deux belles filles du logis descendirent et luy firent chascune ung présent qu'elles avoient ouvré durant sa maladie; l'ung estoit deux jolis et mignons braceletz faiz de beaulx cheveulx, de fil d'or et d'argent, tant proprement que merveilles; l'autre estoit une bource sur satin cramoisy, ouvrée moult subtilement. Grandement les remercia , et dist que le présent venoit de si bonne main qu'il estimoit dix mille escuz ; et pour plus les honnorer se fist mettre les bracelletz au bras, et la bource mist en sa manche, les asseurant que tant qu'ilz dureroient les porteroit pour l'amour d'elles * .

1. Voici le discours que Ghampier met dans la bouche des deux jeunes filles : « Seigneur cappitaine, noz pouvres filles vous mercye cent mille foys de l'honneur, courtoysie, bienfaicts que avez faict à monseigneur nostre père et à madame nostre mère et encore plus de ce qu'estes cause que n'avons esté forcées et violées des gendarmes comme ont esté plusieurs aultres. Seigneur, nous serons à tout jamais tenues à prier Dieu pour vostre noble

298 HISTOIRE DE BAYART

Sut* ces parolles monta à cheval le bon chevalier, lequel fut acompaigné de son grant compaignon et parfiaict amy le seigneur d'Aubigny, que le duc de Nemours avoit laissé pour la garde de la ville, et de plusieurs autres gentilzhorames , deux ou trois mille; puis se dirent adieu. Les ungs retournèrent à Bresse et les autres au camp des François, où arriva le bon chevalier le mercredy au soir, vu® d'avril devant Pasques. S'il fut receu du seigneur de Nemours, ensemble de tous les cappitaines, ne fault pas demander, et hommes d'armes et aventuriers en démenoient telle joye qu'il sembloit pour sa venue que l'armée en feust renforcée de dix mille hommes. Le camp estoit arrivé ce soir-là devant Ravenne et les ennemys en estoient à six mille ; mais le lendemain, qui fut le jeudy sainct, s'en approchèrent à deux mille.