Notice^ connaissance
bon chevalier, qui bien congnoissoit le gentil cueur du cappitaine Jacob, le loua merveilleusement, et luy dist par la bouche de son truchement : « Mon compaignon, mon amy, jamais vostre cueur ne pensa une meschanceté. Vous m'avez autresfois dit qu'en Almaigne n'avez pas de grans biens ; nostre maistre est riche et puissant comme assez entendez, et en ung jour vous en peult faire, dont serez riche et opulent toute vostre vie, car il vous ayme fort, et je le sçay bien ; l'amour croistra davantage quant il sera informé de l'honneste tour que luy faictes à présent, et il le sçaura, aydant Dieu, quant moy-mesmes je luy debveroys dire. Velà monseigneur de Nemours, nostre chef, qui a mandé à son logis tous les cappitaines au conseil ; allons-y vous et moy, et à part luy déclairerons ce que m'avez dit. — C'est bien advisé, dist le cappitaine Jacob, allons-y. » Quant ilz furent au logis dudit duc de Nemours se misrent en conseil qui dura longuement, et y eut de diverses oppinions; car les ungs ne conseilloient point le combatre, et avoient de bonnes raisons, disans que s'ilz perdoient ceste bataille, toute l'Ytalie estoit perdue pour le roy leur maistre, et que d'entre eulx nul n'en eschapperoit, parce qu'ilz avoient trois ou quatre rivières à passer; que tout le monde estoit contre eulx, pape, roy d'Espaigne, Véniciens et Suysses, et que de l'empereur n'estoient pas trop asseurez; parquoy vauldroit mieulx temporiser que se bazarder en ceste manière. Autres disoient qu'il convenoit combatre ou mourir de faim comme meschans et lasches et que desjà estoient trop avant pour se retirer sinon honteusement et en désordre. Bref chascun en dist son oppi-
302 HISTOIRE DE BAYART
nion. Le bon duc de Nemours qui avoit desjà parlé au bon chevalier et au cappitaine Jacob, avoit bien au long entendu ce que l'empereur avoit mandé, et sçavoit bien qu'il estoit force de combatre, aussi qu'il ne venoit poste que le roy de France son oncle ne luy mandast de donner la bataille, et qu'il n'attendoit l'heure d'estre assailly en son royaulme, par deux ou trois endroitz. Il demanda toutesfois encores l'oppinion du bon chevalier, lequel dist : « Monseigneur, vous sçavez que je vins encores hier ; je ne sçay riens de Testât des ennemys. Messeigneurs mes compaignons qui les ont veuz et escarmouchez tous les jours, qui s'i congnoissent mieulx que moy, je les ay ouys, les ungs louer la bataille, les autres la blasmer; et puisqu'il vous plaist m'en demander mon oppinion, sauf vostre révérence, et de messeigneurs qui cy sont, je la vous diray. Qu'il ne soit vray que toutes batailles sont périlleuses, si est ; et qu'il ne faille bien regarder les choses avant que venir à ce point, si fait. Mais à congnoistre présentement l'affaire des ennemys et de nous, il semble quasi difficille que nous puissions départir sans bataille, la raison que desjà avez faict voz approuches devant ceste ville de Ravenne, laquelle demain matin voulez canonner, et la berche faicte y faire donner l'assault. Jà estes vous adverty que le seigneur Marc-Anthoine Colonne ^ qui est dedans puis huyt ou dix jours, y est entré soubz la promesse et foy jurée de domp Raymon de Cardonne, vis-roy de Naples, et chief de l'armée de noz ennemys, de son
1. Marc-Antoine Golonna, fils de Pierre- Antoine Golonna. Il épousa Lucrèce Gara de Rovere, nièce du pape Jules II, et fut tué en 1522.
PAR LE LOYAL SERVITEUR. SiQ
oncle le seigneur Fabricio Colonne \ ensemble du conte Pedro Navarre et de tous les cappitaines, que, s'il peult tenir jusques à demain, ou pour le plus tard au jour de Pasques, qu'ilz le viendront secourir. Or, lesditz ennemys le luy monstrent bien, car ilz sont aux faulxbours de nostre armée. D'autre costé, tant plus séjournerez et plus maleureux deviendrons , car noz gens n'ont nulz vivres, et fault que noz chevaulx vivent de ce que les saulles gectent^ à présent. Et puis vous voyez le roy nostre maistre qui chascun jour vousescriptde donner la bataille, et que non seulement en voz mains repose la seureté de son duché de Milan, mais aussi tout son Estât de France, veu les ennemys qu'il a aujourd'huy. Parquoy, quant à moy,jesuis d'advis qu'on la doibt donner, et y aller saigement, car nous avons afaire à gens cauteleux et bons combatans. Qu'elle ne soit dangereuse, si est; mais une chose me réconforte ; les Espaignolz ont esté depuis ung an dans ceste Rommaigne, tousjours nourriz comme le poisson en l'eaue, et sont gras et repletz; noz gens ont eu et ont encores grant faulte de vivres, parquoy ilz en auront plus longue alayne, et nous n'avons mestier^ d'autre chose ; car qui plus longuement combatra, le camp lui demeurera. » Chascun commença à rire du propos, car si bien luy advenoit à dire ce qu'il vouloit que tout homme y prenoit plaisir. Les seigneurs de Lautrec, de la Palisse, le grand séneschal de
i . Fabricio Golonna, duc de Pagliano, fils d'Odoard Colonna, duc de Marsi; il épousa Agnès de Montefeltre et mourut en 1520.
