Mestier, besoin
304 HISTOIRE DE BAYART
Normandie, le seigneur de CrussoP, et tout ou la pluspart des cappitaines se tindrent àl'oppiniondu bon chevalier, qui estoit de donner la bataille, et dès l'heure en furent advertiz tous les cappitaines de gens de cheval et de pied.
Le lendemain matin, qui fut le vendredy sainct, fut canonnée la ville de Ravenne bien asprement, de sorte que les ennemys de leur camp entendoient bien à cler les coups de canon. Si délibérèrent, selon la promesse qu'ilz avoient faicte, de secourir le seigneur Marc-Anthoine Colonne dedans le jour de Pasques. Durant la baterie furent blessez deux gaillars cappitaines françois, l'ung le seigneur d'Espy, maistre de l'artillerie, et l'autre le seigneur de Ghastillon, prévost de Paris, de coupz de hacquebute, l'ung au bras, l'autre à la cuysse, dont depuis ilz moururent à Ferrare, qui fut fort gros dommage. La berche faicte à la ville, ceulx qui avoient esté ordonnez pour l'assault, qui estoient deux cens hommes d'armes et trois mille hommes de pied, s'approchèrent. Le reste de l'armée se mist en belle et triumphante ordonnance de bataille, laquelle désiréement ilz attendoient, et mille ans avoit que gens ne furent plus délibérez qu'ilz estoient, et à leurs gestes sembloit qu'ilz allassent aux nopces. Si tindrent escorte trois ou quatre grosses heures à leurs gens ordonnez pour assaillir, lesquelz firent à la ville de
1. Jacques de Gnissol, capitaine de 200 archers, grand panetier de France, fils de Louis de Grussol, s' de Baudinar et de Jeanne de Lévis, dame de Florensac ; il épousa Simonne, vicomtesse d'Uzès, et mourut vers 1525.
lours et divers assaulx, et y fist très bien son debvoir le viconte d'Estoges^ lors lieutenant de messire Robert de la Marche^, et le seigneur Fédéric de Bazolo, car plusieurs fois furent gectez du hault du fossé au bas. Si les assaillans faisoient bien leur debvoir, ceulx de la ville ne se faignoient pas^ ; et là estoit en personne le seigneur Marc-Anthoine Goulonne, qui disoit à ses gens : « Messeigneurs, tenons bon, nous serons secouruz dedans demain ou dimenche, je vous en asseure sur mon honneur. La berche est fort petite; si nous sommes pris, il nous tournera à grande lascheté, et davantage il est fait de nous. » Tant bien les confortoit ce seigneur Marc- Anthoine que le cueur leur croissoit de plus en plus ; et à dire aussi la vérité la berche n'estoit pas fort raisonnable. Quant les François eurent donné cinq ou six assaulx et qu'ilz veirent qu'en ceste sorte n'emporteroient pas la ville, firent sonner la retraicte, et Dieu leur en ayda bien, car s'ilz l'eussent prise, jamais n'en eussent retiré les aventuriers pour le pillage, qui eust esté peult-estre occasion de perdre la bataille. Quant le duc de Nemours sceut que ses gens se retiroient de l'assault, il fist pareillement
1. René d'Anglure, vicomte d'Estoges, lieutenant de Robert de La Mark, seigneur de Bouillon et de Sedan, fut chambellan du roi, capitaine de cent hommes d'armes : il était fils de Simon d'Anglure et de Jeanne de Neufchatel; il épousa Catherine du Bouzi et mourut en 1529.
2. Robert de la Marck, seigneur de Sedan, surnommé le Sanglier des Ardennes, fils de Robert et de Jeanne de Mailli, épousa Catherine de Croy-Chimay et mourut en 1535.
