CHAPITRE LUI

D'une merveilleuse escarmouche qui fut entre les François et les Espaignolz le jour devant la bataille de Ravenne, oii le bon chevalier fist merveilles d'armes.

Suyvant la promesse que le bon chevalier a voit faicte au duc de Nemours, luy arrivé à son logis appella son lieutenant le cappitaine Pierrepont, son enseigne, son guydon et plusieurs autres de la compaignie, ausquelz il dist : « Messeigneurs, j'ay promis à Monseigneur d'aller demain veoir les ennemys, et luy en apporter des nouvelles bien au vray ; il fault adviser comment nous ferons, à ce que nous y ayons honneur. Je suis délibéré de mener toute la compaignie, et demain desployer les enseignes de monseigneur de Lorraine, qui n'ont encores point esté veues ; j'espère qu'elles nous porteront bonheur; ilz resjouyront beaucoup plus que les comètes. Vous, bastard du Fay, dist-il à son guydon, prendrez cinquante archiers et passerez le canal au dessoubz de l'artillerie des Espaignolz, et yrez faire l'alarme dedans leur camp, le plus avant que vous pourrez, et quant vous verrez qu'il sera temps de voife retirer sans riens bazarder, le ferez jusques à ce que trouvez le cappitaine Pierrepont, qui sera à vostre queue avecques trente hommes d'armes et le reste des archiers; et si tous deux estiez pressez, je seray après vous à* tout le reste de