Évader, éviter

tirent. Les Espaignolz firent ung bruyt et ung cry merveilleux à l'aborder : « Espaigne ! Espaigne ! Sant-Yago ! aux cavailles ! aux cavailles ! ^ » Furieusement venoient, mais plus furieusement furent receuz des François qui cryoient aussi : « France ! France ! aux chevaulx, aux chevaulx! » Car les Espaignolz ne taschoient à autre chose, sinon d'arrivée^ tuer les chevaulx, pour ce qu'ilz ont ung proverbe qui dist : « Moerto el cavaillo, perdido Vumbre d'armes^. » Depuis que Dieu créa ciel et terre ne fut veu ung plus cruel ne dur assault que François et Espaignolz se livrèrent les ungz aux autres, et dura plus d'une grande demy-heure ce combat. Hz se reposoient les ungz devant les autres pour reprendre leur alayne, puis baissoient la veue et recommenceoient de plus belle, criant : « France et Espaigne ! » le plus impétueusement du monde. Les Espaignolz estoient la moytié plus que les François. Si s'en courut le seigneur d'Alégre droit à son avant-garde, et de loing advisa la bende de messire Robert de la Marche, qui portoient en devise blanc et noir ; si leur escria : « Blanc et noir, marchez ! marchez ! et aussi les archiers de la garde ^. » Le duc de Ferrare et le seigneur de la

1 . Le texte porte par erreur : aux canailles, qui est évidemment mis là pour : a los cavallos. Sur cette tactique des Espagnols de blesser les chevaux pour démonter les cavaliers, comparer le récit du combat de 13 contre 13 raconté au chap. xxii (p. 113).