S'en donner garde, en avoir la garde

qu'ilz furent plustost passez que lesditz lansquenetz. Ce fait, fut toute l'artillerie passée et mise devant lesditz gens de pied qui tantost se misrent en bataille. Après passa l'avant-garde des gens de cheval et puis la bataille.

Sur ces entrefaictes, fault que je vous face ung incident. Le gentil duc de Nemours partit assez matin de son logis, armé de toutes pièces, excepté de l'armet. Il avoit ung fort gorgias acoustrement de broderie aux armes de Navarre et de Foix, mais il estoit fort pesant. En sortant de sondit logis, regarda le soleil jà levé qui estoit fort rouge ; si commencea à dire à la compaignie qui estoit autour de luy : « Regardez, messeigneurs, comme le soleil est rouge. » Là estoit ung gentilhomme qu'il aymoit à merveilles, fort gentil compaignon, qui s'appelloit Haubourdin\ qui luy respondit : « Sçavez-vous bien que c'est à dire, monseigneur? il mourra aujourd'huy quelque prince ou grand cappitaine; il fault que ce soit vous ou le vis-roy. » Le duc de Nemours se print à rire de ce propos, car il prenoit en jeu toutes les parolles dudit Haubourdin. Si s'en alla jusques au pont veoir achever de passer son armée, laquelle faisoit merveilleuse diligence. Cependant le bon chevalier le vint trouver qui luy dist : «t Monseigneur, allons nous esbatre ung peu le long de ce canal en attendant que tout soit passé. » A quoy s'accorda le duc de Nemours ; et mena en sa compaignie le seigneur de Lautrec, le seigneur d'Alègre et

1. Fleuranges attribue cette réplique au Jiâtard de Ghimay. Le vicomte de Haubourdin était de la famille flamande de Ghastel.

quelques autres, jusques au nombre de vingt chevaulx. L'alarme estoit gros au camp des Espaignolz, comme gens qui s'attendoient d'avoir la bataille en ce jour, et se mettoient en ordre comme pour recevoir leurs mortelz ennemys. Le duc de Nemours, allant ainsi à l'esbat, commencea à dire au bon chevalier : « Monseigneur de Bayart, nous sommes icy en bute fort belle ; s'il y avoit des hacquebutiers du costé de delà cachez, ilz nous escarmoucheroient à leur aise. » Et sur ces parolles vont adviser une troppe de vingt ou trente gentilzhommes espaignolz, entre lesquelz estoit le cappitaine Pedro de Pas, chef de tous leurs genetaires, et est oient lesditz gentilzhommes à cheval. Si s'avança le bon chevalier vingt ou trente pas, et les salua en leur disant : « Messeigneurs, vous vous esbatez comme nous, en attendant que le beau jeu se commence. Je vous prie qu'on ne tire point de coups de hacquebute de vostre costé, et on ne vous en tirera point du nostre. » Le cappitaine Pedro de Pas luy demanda qu'il estoit, et il se nomma par son nom; quant il entendit que c' estoit le cappitaine Bayart qui tant avoit eu de renommée au royaulme de Naples, fut joyeulx à merveilles. Si luy dist en son langaige : « Sur ma foy, monseigneur de Bayart, encores que je soye tout asseuré que nous n'avons riens gaigné en vostre arrivée, mais par le contraire j'en tiens vostre camp enforcy de deux mille hommes, si suis-je bien aise de vous veoir. Et pleust à Dieu qu'il y eust bonne paix entre vostre maistre et le mien, à ce que peussions deviser quelque peu ensemble, car tout le temps de ma vie vous ay aymé par vostre grande prouesse. » Le bon

chevalier, qui tant courtois estoit que nul plus, luy rendit son change au double. Si regardoit Pedro de Pas que chascun honnoroit le duc de Nemours, qui demanda : « Seigneur de Bayart, qui est ce seigneur tant bien en ordre et à qui voz gens portent tant d'honneur. » Le bon chevalier luy respondit : « C'est nostre chef, le duc de Nemours, nepveu de nostre prince et frère à vostre royne. » A grant peine il eut achevé son propos que le cappitaine Pedro de Pas et tous ceulx qui estoient avecques luy misrent pied à terre et commencèrent à dire adressans leurs parolles au noble prince : « Seigneur, sauf l'honneur et le service du roy nostre maistre, vous déclairons que nous sommes, et voulons estre et demourer à jamais voz serviteurs. » Le duc de Nemours, comme plein de courtoisie, les remercia, et puis leur dist : « Messeigneurs, je voy bien que dedans aujourd'huy nous sçaurons à qui demourera la campaigne, à vous ou à nous; mais à grant peine se desmeslera cest affaire sans grande effusion de sang. Si vostre vis-roy vouloit vuyder ce différent de sa personne à la mienne, je ferois bien que tous mes amys et compaignons qui sont avecques moy s'i consentiront : et si je suis vaincu, s'en retourneront ou duché de Milan et vous laisseront paisibles par deçà; aussi s'il est vaincu, que tous vous vous en retourniez au royaulme de Naples.» Quant il eutachevé son dire, luy fut incontinent respondu par ung dit le marquis de la Padule : « Seigneur, je croy que vostre gentil cueur vous feroit voulentiers faire ce que vous dictes, mais, à mon ad vis, que notre visroy ne se fiera point tant à sa personne qu'il s'accorde à vostre dire. — Or, adieu doncques, messeigneurs,

318 HISTOIRE DE BAYART

dist le gentil prince; je m'en vois passer l'eaue, et prometz à Dieu de ne la repasser de ma vie que le camp ne soit vostre ou nostre. » Ainsi se despartit des Espaignolz le bon duc de Nemours.

Allant et venant, veoient tout acier* les ennemys, et comment ilz se mettoient en bataille, mesmement leur avant-garde de gens de cheval, dont estoit chef le seigneur Fabricio Goulonne, et se montroiten belle veue et toute descouverte. Si en parlèrent le seigneur d'Alègre et le bon chevalier au duc de Nemours, et luy dirent : « Monseigneur, vous voyez bien ceste troppe de gens de cheval. — Ouy, dist-il, ilz sont en belle veue. — Par ma foy! dist le seigneur d'Alègre, qui vouldra amener icy deux pièces d'artillerie seulement on leur fera ung merveilleux dommage. » Gela fut trouvé très bon , et luy-mesmes alla faire amener ung canon et une longue coulevrine. Desjà les Espaignolz avoient commencé à tirer de leur camp, qui estoit fort à merveilles, car ilz avoient ung bon fossé devant eulx. Derrière estoient tous leurs gens de pied couchez sur le ventre pour doubte de l'artillerie des François; devant eulx estoit toute la leur en nombre de vingt pièces, que canons, que longues coulevrines, et environ deux cens hacquebutes à croc, et entre deux hacquebutes, avoient sur petites charrettes à roues de grans pièces de fer acéré et trenchant, en manière d'un ronçon, pour faire rooller dedans les gens de pied quant ilz vouldroient entrer parmy eulx. A leur esle estoit leur avant-garde, que conduysoit le sei-

1. Acier; je n'ai rencontré nulle part ce mot qui est peut-être une faute d'impression. Il pourrait s'écrire en deux mots, à cîer, et dans ce cas signifier avec certitude.

gneur Fabricio Colonne, où il y avoit environ huyt cens hommes d'armes ; et ung peu plus hault estoit la bataille, en laquelle avoit plus de quatre cens hommes d'armes que menoit le vis-roy domp Raymon de Cardonne ; et joignant de luy avoit seulement deux mille Ytaliens que menoit Ramassot ; mais quant à la gendarmerie, on n'en ouyt jamais parler de mieulx en ordre ne mieulx montez. Le duc de Nemours passé qu'il eust la rivière commanda que chascun marchast. Les Espaignolz tiroient en la troppe des gens de pied françois comme en une bute, et en tuèrent, avant que venir au combat, plus de deux mille; ilz tuèrent aussi deux triumphans hommes d'armes, l'ung appelé Jaffes et l'autre l'Hérisson. Aussi moururent ensemble d'ung mesme coup de canon ces deux vaillans cappitaines, le seigneur de Molart et Philippes de Fribourg^, qui fut ung gros dommage et grand desavantage pour les François, car ilz estoient deux apparens et aymez cappitaines, surtout le seigneur de Molart, car tous ses gens se feussent faitz mourir pour luy. Il fault entendre que, nonobstant toute l'artillerie tirée par les Espaignolz, les François marchoient tousjours. Les deux pièces que le seigneur d'Alègre et le bon chevalier avoient fait retourner deçà le canal tiroient incessamment en la troppe du seigneur

l. Fleuranges prétend (chap. xxix) que le capitaine Molart fut tué avec le capitaine Jacob, et non avec Philippe de Fribourg. ( M. de Molart et le capitaine Jacob, dit-il, s'estonnoient fort de l'artillerie, car ils avoient esté trois heures en ceste peine et n' avoient où se coucher. Se commencèrent à seoir luy et le capitaine Jacob et demandèrent à boire, et en buvant ung coup de canon les emporta tous deux, qui feust ung grant dommaiare. »

320 HISTOIRE DE BAYART

Fabricio, qui luy faisoientung dommage non croyable, car il luy fut tué trois cens hommes d'armes , et dist depuis, luy estant prisonnier à Ferrare, que d'ung coup de canon luy avoit esté emporté trente-trois hommes d'armes. Gela faschoit fort aux Espaignolz, car ilz se veoyent tuez et ne sçavoient de qui ; mais le cappitaine Pedro Navarre avoit si bien conclud en leur conseil, qu'il estoit ordonné qu'on ne sortiroit point du fort jusques à ce que les François les y allassent assaillir, et qu'ilz se defFeroient d'eulxmesmes. Il n'estoit riens si vrai; mais il ne fut plus possible au seigneur Fabricio de tenir ses gens, qui disoient en leur langage : « Coerpo de Bios, sommas matados del cielo; vamos combater los umhres!^ » Et commencèrent pour évader^ ces coups d'artillerie à sortir de leur fort et entrer en ung beau champ pour aller combatre. Hz ne prindrent pas le chemin droit à r avant-garde, mais advisèrent la bataille où estoit ce vertueux prince, duc de Nemours, avec petite troppe de gendarmerie si tirèrent à ceste part. Les François de la bataille, joyeulx d'avoir le premier combat, baissèrent la veue, et d'ung hardy courage marchèrent droit à leurs ennemys, lesquelz se misrent en deux troppes, pour par ce moyen enclorre ceste petite bataille. De ceste ruse s'apperceut bien le bon chevalier, qui dist au duc de Nemours : « Monseigneur, mectons nous en deux parties jusques à ce qu'ayons passé le fossé, car ilz nous veullent enclorre. » Gela fut incontinent faict et se depar-

1. Pour : Cuerpo de Bios! Somos matados del cielo : vamos comrbâter à los hombres.