Parmi les Français

aussi bien qu'il nous a traictez. » Le bon gentilhomme ne parla depuis, car incontinent tumba mort^ Il avoit ung cappitaine soubz luy, nommé Fabien^, ung des beaulx et grans hommes qu'on veit jamais, lequel, quant il apperceut son bon maistre mort, ne voulut plus vivre, mais bien fist une des grandes hardiesses qu'oncques homme sceut faire; car ainsi que les Espaignolz avoient ung gros hoc^ de picques croysées, au bort de leur fossé, qui gardoit que les François ne pouvoient entrer, ce cappitaine Fabien voulut plustost mourir qu'il ne vengeast la mort de son gentil cappitaine, print sa picque par le travers (il estoit grant à merveilles), et tenant ainsi sa picque la mit dessus celles des Espaignolz qui estoient couchées, et de sa grande puissance leur fist mettre le fer en teire. Quoy voyant par les François, poussèrent roidement et entrèrent dedans le fossé; mais pour le passer y eut ung meurdre merveilleux, car oncques gens ne firent plus de deffense que les Espaignolz, qui, encores n'ayant plus bras ne jambe entière, mordoient leurs ennemys. Sur ceste entrée y eut plusieurs cappitaines françois mors, comme le baron de Grantmont, le cappitaine de Maugiron, qui y fist d'armes le possible, le seigneur de Bardassan; le cappitaine Bonnet eut ung coup de picque dedans le fronc, dont le fer luy demoura en la teste. Brief,

1. Selon Paul Joye (vie de Léon X, chap. ii), le capitaine Jacob aurait été tué en combat singulier au milieu de la bataille par un capitaine espagnol, et sa mort aurait été le signal de l'effort des Français qui détermina la fuite des ennemis.