Hoc, haie

3^6 HISTOIRE DE BAYART

les François y receurent gros dommage, mais plus les Espaignolz, car la gendarmerie de l'avant-garde françoise leur vint donner sur le costé, qui les rompit du tout, et furent tous mors et mis en pièces, excepté le conte Pedro Navarre, qui fut prisonnier et quelques autres cappitaines.

Il fault retourner à ses deux enseignes qui s'enfuyoient pour cuyder gaigner Ravenne; mais en chemin rencontrèrent le bastard du Fay et les guydons et archiers, qui leur firent retourner le visage le long de la chaussée. Guères ne les suyvit le bastard du Fay, mais retourna droit au gros affaire où il servit merveilleusement bien. Entendre debvez que quant ces deux enseignes sortirent de la troppe et qu'ilz eurent deffaictz les Gascons, plusieurs s'enfuyrent, et aucuns jusques au lieu où estoit le vertueux duc de Nemours, lequel venant au devant d'eulx, demanda que c'estoit. Ung paillart respondit : « Ce sont les Espaignolz qui nous ont deffaictz. » Le povre prince, cuydant que ce feust la troppe de ses gens de pied, fut désespéré, et sans regarder qui le suyvoit, se va gecter sur ceste chaussée par laquelle se retiroient ses deux enseignes qui le vont rencontrer en leur chemin, et bien quatorze ou quinze hommes d'armes. Hz avoient encores rechargé quelques hacquebutes qui vont deslascher, et puis à coups de picque [se ruent] sur ce gentil duc de Nemours et sur ceulx qui estoient avecques luy, lesquelz ne se povoient guères bien remuer, car la chaussée estoit estroicte, et d'ung costé le canal où on ne povoit descendre; de l'autre, y avoit ung merveilleux fossé que l'on ne povoit passer. Brief,

tous ceux qui estoient avecques le duc de Nemours furent gectez en l'eaue ou tumbez dedans le fossé. Le bon duc eut les jarretz de son cheval couppez; si se mist à pied l'espée au poing, et oncques Rolant ne fist à Roncevaulx tant d'armes qu'il en fîst là, ne pareillement son cousin le seigneur de Lautrec, lequel veit bien le grant dangier où il estoit, et cryoit tant qu'il povoit aux Espaignolz : « Ne le tuez pas, c'est nostre vis-roy, le frère à vostre royne. » Quoy que ce feust, le povre seigneur y demoura, après avoir eu plusieurs playes, car depuis le menton jusques au fronc en avoit quatorze ou quinze, et par là monstroit bien le gentil prince qu'il n'avoit pas tourné le doz. Dedans le canal fut noyé le filz du seigneur d'Alègre, nommé Viverolz*, et son père tué à la deffaicte des gens de pied. Le seigneur de Lautrec y fut laissé pour mort, et assez d'autres. Ses deux enseignes se sauvèrent le long de la chaussée, qui duroit plus de dix mille , et quant ilz furent à cinq ou six mille du camp, rencontrèrent le bon chevalier qui venoit de la chasse avecques environ trente ou quarante hommes d'armes, tant las et travaillez que merveilles; toutesfois il se délibéra de charger ses ennemys, mais ung cappitaine sortit de la troppe, qui commencea à dire en son langaige : « Seigneur, que voulez-vous faire? Assez congnoissez n'estre pas puissant pour nous deffaire. Vous avez gaigné la bataille et tué tous noz gens, suffise vous de l'honneur que vous avez eu, et nous laissez aller la vie

1 . Yves d'Alègre, qui avait perdu un autre fils Tannée précédente, ne voulut pas survivre à ce nouveau malheur et chercha la mort au milieu des bataillons ennemis.

328 HISTOIRE DE BAYART

sauve, car par la voulenté de Dieu sommes eschappez. » Le bon chevalier congneut bien que l'Espaignol disoit vray ; aussi n'avoit-il cheval qui se peust soustenir; toutesfois il demanda les enseignes qui luy furent baillées et puis ilz s'ouvrirent et il passa parmy eulx et les laissa aller. Las ! il ne sçavoit pas que le bon duc de Nemours feust mort, ne que ce feussent ceulx qui l'avoient tué, car il feust avant mort de dix mille mors qu'il ne l'eust vengé, s'il l'eust sceu.

Durant la bataille et avant la totalle defiTaicte, s'enfuyt domp Raymon de Gardonne, vis-roy de Naples\ environ trois cens hommes d'armes, et le cappitaine Ramassot avecques ses gens de pied ; le demourant fut mort ou pris. Le bon chevalier et tous les François retournèrent de la chasse environ quatre heures après midy, et la bataille estoit commencée environ huyt heures de matin. Chascun fut adverty de la mort de ce vertueux et noble prince, le gentil duc de Nemours, dont ung dueil commença au camp des François, si merveilleux que je ne cuyde point, s'il feust arrivé deux mille hommes de pied fraiz et deux cens hommes d'armes, qu'ilz n'eussent tout deffaict, tant de la peine et fatigue que tout au long du jour avoient souffert, car nul ne fut exempté de combatre s'il voulut, que aussi la grande

1. Sur la fin de la bataille, le vice-roy de Naples voUust descendre de son cheval et monter sur ung aultre moult beau, mais le noble Bayard le suyvit si près qu'il n'eust loysir de monter et se bouta en fuyte, et print Bayard le cheval sur lequel il vouloyt monter, lequel depuis donna à monseigneur le duc de Lorraine (Champier, fol. xxxix).

et extresme douleur qu'ilz portoient en leur cueur de la mort de leur chef, lequel, par ses gentilzhommes, en grans pleurs et plains, fut porté à son logis. Il y a eu plusieurs batailles depuis que Dieu créa ciel et terre, mais jamais n'en fut veu, pour le nombre qu'il y avoit, de si cruelle, si furieuse ne mieulx combatue de toutes les deux parties que la bataille de Ravenne^