Ainçois, avant

3. Pierre de Rohan, maréchal de Gié, comte de Marie, mort en 1513. Il était fils de Louis de Rohan, s' de Guéméné, et de Marie de Montauban. Il épousa Françoise de Penhoët, puis Marie d'Ar-' magnac.

PAR LE LOYAL SERVITELTl. 46

France, ausquelz il donna le bon jour ; et après marchèrent jusques au logis du roy, qui desjà estoit prest pour aller à la messe en ung couvent de cordeliers qu'il avoit fait construire à la requeste d'ung dévot religieux appelé frère Jehan Bourgeois, au bout d'ung faulxbourg de Lyon appelle Veize. Et y avoit ledit seigneur beaucoup donné du sien , aussi avoit fait sa bonne et loyalle espouse Anne, duchesse de Bretaigne. Si trouva le duc de Savoye le roy, ainsi qu'il vouloit, sortir de sa chambre, auquel il fist la révérence, telle et si haulte que à si grant et noble prince appartenoit. Mais le bon roy, qui filz estoit d'humilité, le print et l'embrassa en luy disant : « Mon cousin, mon amy, vous soyez le très bien venu ! Je suis joyeulx de vous veoir , et sur mon âme, vous avez bien fait, car si ne feussiez venu, j'estois délibéré vous aller veoir en voz pays, où je vous eusse porté beaucoup plus de dommage. B A quoy respondit le bon duc : « Monseigneur, il est difficile que à ma voulenté sceussiez porter dommage. Tout le regret que j'auroye à vostre arrivée en voz pays et miens seroit seulement que ne pourriez estre receu comme appartient à si hault ne magnanime prince que vous estes ; mais bien vous advise que le cueur, le corps, l'avoir et le sçavoir, si Dieu y en a aucun mis, sont en vostre disposition autant que le moindre de voz subjects. » Dont le roy, en rougissant ung peu, le remercia. Si montèrent sur leurs mulles, et allèrent ensemble devisans le long de la ville jusques audit couvent des cordeliers, où ilz ouyrent dévotement la messe; et quant vint à l'offrande, fut baillé par le duc de Savoye au roy l'escu pour offrir à Nostre

SIO HISTOIRE DE BAYÂRT

Seigneur, ainsi que chascun jour ont acoustumé faire les roys de France, comme au prince à qui on vouloit plus faire d'honneur. Après la messe ouye, remontèrent sur leurs mulles pour retourner au logis, où le roy retint le duc de Savoye à disner avecques luy, et pareillement lesditz seigneurs de Ligny et d'Avesnes. Durant le disner y eut plusieurs propos tenuz, tantdechiens, d'oyseaulx, d'armes que d'amours. Et entre autres, le seigneur de Ligny dist au roy : « Sire, je vous jure ma foy que monseigneur de Savoye a vouloir de vous donner ung paige qui chevauche ung bas roussin fort gaillard aussi bien que jeune garson que je veiz jamais ; et si ne pense point qu'il ait plus de quatorze ans , mais il mène son cheval à la raison comme ung homme de trente. S'il vous plaist aller ouyr vespres à Esnay, en aurez votre passetemps. — Par la foy de mon corps ! dist le roy, je le vueil. » Et puis regarda le duc de Savoye en luy disant : « Mon cousin, qui vous a donné ce gentil paige que dit le cousin de Ligny? » A quoy respondit ledit duc : « Monseigneur, il est de voz subjectz et d'une maison en vostre pays du Daulphiné, dont il est sorty de gaillars gentilzhommes ; son oncle, l'évesque de Grenoble, puis demy an m'en a fait ung présent; monseigneur mon cousin l'a veu, il en dit du bien tant qu'il luy plaist , vous verrez à vostre plaisir le paige et le cheval en la prayrie d'Esnay. » Alors n'estoit pas le bon chevalier en présence; mais tantost luy fut racompté, et comment le roy le vouloit veoir sur son cheval, et croy que, s'il eust gaigné la ville de Lyon, n'eust pas esté si aise. Il s'en alla incontinent au

maistre palefrenier du duc de Savoye, nommé Pizou de Ghenas, auquel il dist : « Maistre, mon amy, j'entendz que le roy a dit à monseigneur qu'il veult veoir mon roussin après disner, et moy dessus. Je vous prie tant que je puis que le vueillez faire mettre en ordre, et je vous donneray ma courte dacgue de bon cueur. 5 Le maistre palefrenier, qui veit la bonne vou- Jenté du jeune garson, luy dist : « Bayart, mon amy, gardez vostre baston , je n'en veulx point, et vous mercye ; allez vous seulement peigner et nectoyer, car vostre cheval sera bien en ordre, et Dieu vous face cest heur, mon amy, que le roy de France vous preingne en grâce, car il vous en peult advenir beaucoup de biens , et quelquefois, avec l'ayde de Dieu, pourrez estre si grant seigneur que je m'en sentiray. — Sur ma foy ! maistre, dist le bon chevalier, jamais je n'oublieray les courtoysies que m'avez faictes depuis que je suis en la maison de monseigneur, et si Dieu me donne jamais des biens, vous en appercevrez. » Incontinent monta en la chambre de son escuyer, où il nectoya ses habillemens, se peigna et acoustra au plus joliement qu'il peut, en attendant qu'il eust quelques nouvelles, qui ne tardèrent guères ; car, sur les deux ou trois heures, vint l'escuyer d'escuyrie de monseigneur de Savoye, lequel gouvernoit Bayart, qui le vint demander, et tout prest le trouva. Si luy dist tout fasché : « Bayart, mon amy, je voy bien que je ne vous garderay guères, car j'entendz que monseigneur a desjà fait ung présent de vous au roy, qui vous veult veoir sur vostre roussin en la prairie d'Esnay. Je ne suis pas marry de vostre avan-

221 HISTOIRE DE BAYART

cément, mais, sur ma foy ! j'ay grant regret de vous laisser. » A quoy respondit le jeune Bayart : « Monseigneur l'escuyer, Dieu me doint grâce de continuer es vertus que m'avez monstrées depuis l'heure que monseigneur vous bailla charge de moy! si je puis, moyennant son ayde, n'aurez jamais reprouche de chose que je face ; et si je parviens en lieu pour vous faire service, cognoistrez par effect de combien je me sens vostre obligé. » Après ces parolles dictes, n'y eut plus de dilation\ car l'heure s'approchoit. Si monta l'escuyer sur ung cheval et fist monter le bon chevalier sur son roussin, lequel estoit si bien peigné et acoustré que riens n'y deffailloit , et s'en allèrent attendre le roy et sa compaignie en la prairie d'Esnay; car le prince s'estoit mis par eaue sur la Sosne. Incontinent qu'il fut hors du bateau, va veoir sur la prée le jeune Bayart sur son roussin avecques son escuyer. Si lu y commencea à crier : « Page mon amy, donnez de l'esperon à vostre cheval! » ce qu'il fist incontinent. Et sembloit, à le veoir départir, que toute la vie eust fait ce mestier. Au bout de la course, le fist bondir deux ou trois saulx, puis sans riens dire s'en retourna à bride abatue pareillement devers le roy, et s'arresta tout court devant luy en faisant remuer son cheval, de sorte que non-seulement le roy, mais toute la compagnie, y print ung singuher plaisir. Si commencea le roy à dire à monseigneur de Savoye : « Mon cousin, il est impossible de mieulx picquer ung cheval. » Et puis s'adressant au page, lui dist : « Picque,