Dilation, retard

picque encores ung coup. » Après lesparolles du roy, les pages lui crièrent : « Picquez ! picquez ! » de façon que depuis par quelque temps fut surnommé Picquet. « Vrayement, dist encores le roy au duc, je voy devant mes yeulx ce que le cousin de Ligny m'a dit à disner ; je ne veulx pas attendre que me donniez vostre page ne vostre cheval, mais je le vous demande. — Monseigneur, respondit le duc de Sa voy e, le maistre est vostre, le reste y peult bien estre. Dieu luy doint grâce de vous faire quelque service agréable ! — Par la foy de mon corps ! dist le roy, il est impossible qu'il ne soit homme de bien. Cousin de Ligny, je vous baille le page en garde ; mais je ne veulx pas qu'il perde son cheval , il demourera tousjours dans vostre escuyrie. » Dont ledit seigneur de Ligny remercia très humblement le roy, se sentant très bien satisfait d'avoir ce présent ; car il estimoit bien qu'il en feroit ung homme dont il auroit une fois gros honneur, ce qui fut acomply depuis en maintz heux. Trois ans seulement fut page le bon chevalier en la maison du seigneur de Ligny, lequel l'en mit hors sur l'aage de dix sept ans, et l'appoincta en sa compaignie ; toutesfois tousjours fut -il retenu des gentilzhommes de sa maison.