CHAPITRE LV
Des nobles hommes qui moururent à la cruelle bataille de Ravenne, tant du costé des François que des Espaignolz, et des prisonniers . La prinse de la ville de Ravenne. Comment les François furent chassez deux moys après d'Ytalie, en Van mil cinq cens et douze. De la griefve maladie du bon chevalier. D'une fort grande courtoysie qu'il fist. Du voyage qui fut fait au royaulme de Navarre , et de tout ce qui advint en ladicte année.
En ceste cruelle bataille fist le royaulme de France
1. On trouvera à l'appendice la lettre de Bayart plusieurs fois reproduite dans laquelle il fait à son oncle l'évêque de Grenoble le récit de la bataille de Ravenne. Nous signalerons encore un document curieux à consulter sur cette bataille ; il est peu connu quoiqu' imprimé ; c'est le récit qu'en a fait le réformateur Zwingli, alors aumônier des Suisses à la solde de la France, intitulé : De Gestis inter Gallos et Helvetios ad Ravennam^ Papiam aliis que lods, et conventii apud thermos Helveticos anno 1512. Relatio Vdalrià Zwinglii (Œuvres de Zwingli. Zurich, 1841. Vol. IV (2* des Œuvres latines), p. 167).
grosse perte, car le nompareil en prouesse qui feust au monde pour son aage y mourut. Ce fut le gentil duc de Nemours, dont, tant que le monde aura durée, sera mémoire. Il y avoit quelque intelligence secrète pour le faire roy de Naples s'il eust vescu, et s'en fut trouvé pape Julles mauvais marchant; mais il ne pleut pas à Dieu le laisser plus avant vivre. Je croy que les neuf preux luy avoient fait ceste requeste, car s'il eust vescu aage compétant les eust tous passez.
Le gentil seigneur d'Alègre et son filz le seigneur de Viverolz y finérent leurs jours ; aussi firent le cappitaine la Grothe, le lieutenant du seigneur d'Ymbercourt, les cappitaines Molart, Jacob, Philippes de Fribourg, Maugiron, baron de Grantmont, Bardassan et plusieurs autres cappitaines. Des gens de pied environ trois mille hommes et quatrevingtz hommes d'armes des ordonnances du roy de France, avecques sept de ses gentilzhommes et neuf archiers de sa garde , et de ce qui en demoura la pluspart est oient blécez. Les Espaignolz y eurent perte dont de cent ans ne seront réparez, car ilz perdirent vingt cappitaines de gens de pied, dix mille hommes, ou peu s'en faillit, et leur cappitaine général le conte Pedro Navarre y fut prisonnier. Des gens de cheval furent tuez domp Menaldo de Gardonne, domp Pedro de Goignes, prieur de Messine, domp Diego de Quynonnes, le cappitaine Alvarade, le cappitaine Alonce de l'Estreille, et plus de trente cappitaines ou chefz d'enseignes et bien huyt cens hommes d'armes, sans les prisonniers qui furent: domp Jehan de Gardonne*,
