Fraya, passa

336 HISTOIRE DE BAYART

ung pont. Guères n'y séjournèrent, mais leur convint du tout habandonner la Lombardie, excepté les chasteaulx de Milan et Crémone, Lugan, Lucarne ^ la ville et le chasteau de Bresse, où estoit demouré le seigneur d'Aulbigny, et quelques autres places en la Vautelyne^. Les François repassèrent les mons et se logèrent quelque temps es garnisons qui leur avoient esté ordonnées.

Le bon chevalier s'en retira droit à Grenoble, pour visiter l'évesque son bon oncle, lequel longtemps a n'avoit veu. G'estoit ung aussi vertueux et bien vivant prélat qu'il en feust pour lors ou monde. Il receut son nepveu tant honnestement que merveilles et le fist loger à l'évesché, où chascun jour estoit traicté comme la pierre en l'or ; et le venoient veoir les dames d'alentour Grenoble, mesmement celles de la ville, qui toutes ensemble ne se povoient saouller de le louer, dont il avoit grant honte. Or, en ces entrefaictes, ne sçay si ce fut par le grant labeur que le bon chevalier avoit souffert par plusieurs années, ou si ce fut par le coup du faulconneau qu'il eut à la retraicte de Pavye, mais une grosse fiebvre continue le va empoigner que luy dura dix-sept jours, de sorte que l'on n'y espéroit plus de vie^. Le povre gentilhomme, qui de maladie se voyoit ainsi abatu, faisoit les plus piteuses complainctes qu'on ouyt