Vautelyne, Valteline

3. On trouvera à l'appendice une lettre de l'évêque de Grenoble donnant des détails sur la maladie de Bayart et sur certains projets de mariage auxquels la reine s'était intéressée à cette époque.

jamais , et à l'ouyr parler il eust eu bien dur cueur à qui les larmes ne feussent tumbées des yeulx. « Las ! disoit-il, mon Dieu ! puisque c'estoit ton bon plaisir m'oster de ce monde si tost, que ne fiz-tu ceste grâce de me faire mourir en la compaignie de ce gentil prince le duc de Nemours, et avecques mes autres compaignons à la journée de Ravenne, ou qu'il ne te pleut consentir que je finasse à l'assault de Bresse, où je fus si griefvement blessé ^ Hélas ! j'en feusse beaucoup mort plus joyeulx, car au moins j'eusse ensuivy mes bons prédécesseurs, qui sont tousjours demourez aux batailles. Mon Dieu ! et j'ay passé tant de gros dangiers d'artilleries, en batailles, en assaulx et en rencontres dont tu m'as faict la grâce d'estre eschappé, et il fault que présentement je meure en mon lict comme une pucelle. Toutesfois, combien que je le désirasse autrement, ta saincte voulenté soit faicte ! Je suis ung grant pécheur, mais j'ay espoir en ton infinie miséricorde. Hélas! mon Créateur, je t'ay par le passé grandement offencé, mais si plus longuement eusse vescu, j'avoys bon espoir, avecques ta grâce, de bien tost amender ma mauvaise vie. » Ainsi faisoit ses regretz le bon chevalier sans paour et sans reprouche; et puis, parce qu'il brusloit de chaleur pour la grande fiebvre qui le tenoit, s'adressoit à monseigneur sainct Anthoyne^, en disant : « Hé, glorieux confesseur et vray amy de Dieu, sainct Anthoyne,