Donner, trouver

tout guéry et aussi gaillart qu'il avoit jamais esté. Et se print à aller ung peu à l'esbat près de la ville, visitant ses amys et les dames de maison en maison, à qui il faisoit force bancquetz pour se resjouyr.

Et tellement que, comme assez povez entendre qu'il n'estoit pas sainct, ung jour luy print voulenté d'avoir compaignie françoyse. Si dist à ung sien varlet de chambre, qu'on nommoit le bastard Gordon : « Bastard! je te prie que aujourd'huy à coucher avecques moy j'aye quelque belle fille ; je croy que je ne m'en trouveray que mieulx. » Le bastard qui estoit diligent etvouloit bien complaire à son maistre, s'alla adresser à une povre gentil-femme qui avoit une belle fille de l'aage de quinze ans, laquelle, pour la grande povreté en quoy elle estoit, consentit sa fille estre baillée quelque temps au bon chevalier, espérant aussi que après la marieroit. Si fut la fille langagée* par la mère, qui luy fist tant de remonstrances que, nonobstant le bon vouloir qu'elle avoit, se condescendit au marché, moytié par amour et moytié par force. Si fut emmenée secrèttement par le bastard au logis ^ du bon chevalier, et mise en une sienne garde-robbe. Le temps fut venu de se retirer pour dormir, si s'en retourna à son logis ledit bon chevalier, lequel avoit souppé en ung bancquet en la ville. Arrivé qu'il feust, le bastard luy dist qu'il avoit une des belles jeunes filles du monde et si estoit gentil-femme; si le mena en la garde-robbe et la luy monstra. Belle estoit comme ung ange, mais tant avoit ploré que