Langagée, endoctrinée

2. C'était à l'évêché que Bayart était logé, comme on l'a vu plus haut.

340 HISTOIRE DE BAYART

tous les yeux luy en estoient enflez. Quant le bon chevalier la veit en ceste sorte, luy dist : « Gomment, ma mye, qu'avez-vous ? Ne sçavez-vous pas bien pourquoy vous estes venue icy? » La povre fille se mist à genoulx et dist : « Hélas ! ouy, monseigneur ; ma mère m'a dit que je feisse ce que vouldriez ; toutesfbis je suis vierge, et je ne feiz jamais mal de mon corps ; je n'avoys pas voulenté d'en faire si je n'y feusse contraincte; mais nous sommes si povres, ma mère et moy, que nous mourons de faim. Et pleust à Dieu que je feusse bien morte ; au moins ne seroye point au nombre des malheureuses filles et en déshonneur toute ma vie ! » Et disant ces paroUes ploroit si très fort qu'on ne la povoit appaiser. Quant le bon chevalier apperceut son noble courage, quasi larmoyant luy dist : « Vrayement, ma mye, je ne seray pas si meschant que je vous oste de vostre bon vouloir. » Et changeant vice à vertu, la prist par la main et luy fist afïubler ung manteau, et au bastard prendre une torche, et la mena luy-mesme coucher sur* une gentil-femme sa parente, qui se tenoit près de son logis , et le lendemain matin envoya quérir la mère, à laquelle il dist : « Venez ça, ma mye, ne me mentez point. Vostre fille est-elle pucelle? » Qui respondit : « Sur ma foy, monseigneur, quant le bastard la vint hier quérir jamais n'avoit eu congnoissance d'homme. — Et n'estes vous doncques bien malheureuse, dist le bon chevalier, de la vouloir faire meschante? » La povre femme eut honte et paour, et ne sceut que respondre, sinon qu'elles estoient si povres