Sur, chez

que riens plus^ « Or, dist le bon chevalier, ne faictes jamais ung si lasche tour que de vendre vostre fille; qui estes gentil-femme, on vous en debveroit plus griefvementpugnir. Venez çà; avez-vous personne qui la vous ait jamais demandée en mariage? — Ouy bien, dist-elle, ung mien voisin honneste homme, mais il demande six cens florins, et je n'en ay pas vaillant la moytié. — Et s'il avoit cela, l'espouseroitil? dist le bon chevalier. — Ouy, seurement, distelle. » Alors il pristune bourse qu'il avoit fait prendre au bastard, et luy bailla trois cens escus, disant : « Tenez, ma mye, velà deux cens escus, qui val lent six cens florins de ce pays et mieulx, pour marier vostre fille, et cent escus pour l'abiller. » Et puis fist encores compter cent autres escus qu'il donna à la mère, et commanda au bastard qu'il ne les perdist jamais de veue qu'il n'eust veu la fille espousée ; qu'elle fut trois jours après, et a fait depuis ung très honorable mesnage. Elle retira sa mère en sa maison et ainsi par la grande courtoysie et libéralité du bon chevalier la chose fut ainsy menée qu'il est cy dessus récité, et je croy que vous n'avez guères leu en cronicque ny hystoire d'une plus grande honnesteté.

Icelluy bon chevalier fut encores quelque temps après ou Daulphiné, faisant grosse chère, jusques à ce que le roy de France son maistre envoya une armée en Guyenne, soubz la charge du duc de Longueville^, pour