CHAPITRE LVI

Comment le bon chevalier prist ung chasteau d'assault ou royaulme de Navarre, cependant qu'on assist le siège devant la ville de Pampelune, où il fist ung tour de sage et appert chevalier.

' Cependant que le gentil seigneur de la Palisse plantoit avecques le roy de Navarre le siège devant la ville de Pampelune, fut advisé qu'il seroit bon d'aller

faire rentrer Jean d'Albret, roi de Navarre par son mariage avec Catherine de Foix, en possession de son royaume, conquis en quelques jours par le duc d'Albe. Cette campagne fut une des plus malheureuses du règne de Louis XII.

prendre ung chasteau à quatre lieues de là, qui nuysoit merveilleusement au camp des François. Je croy bien qu'en la place n'y povoit pas y avoir grosse force, toutesfois, parce que l'on se doubtoit que dedans une petite ville près de là, appellée le Pontla-Royne*, y pourroient estre quelques gens qui peultestre la vouldroient secourir, fut advisé qu'on mèneroit assez bonne bende de gens de cheval et de pied. Le roy de Navarre et seigneur de la Palisse prièrent au bon chevalier qu'il voulsist prendre ceste entreprinse en main ; et luy qui jamais ne fut las de travail qu'on luy sceust bailler, l'accorda incontinent. Il prist sa compaignie et celle du cappitaine Bonneval, hardy chevalier, quelque nombre d'adventuriers et deux enseignes de lansquenetz, qui estoient de chascune quatre cens hommes, et ainsi s'en alla tout de plain jour devant ceste place. Il envoya ung trompette pour faire entendre à ceulx qui estoient dedans qu'ilz eussent à la mettre entre les mains de leur souverain, le roy de Navarre, et qu'il les prendroit à mercy et les laisseroit aller, leurs vies et bagues saufves; autrement, s'ilz estoient pris d'assault, seroient mis en pièces. Ceulx de la forteresse estoient gens de guerre, que le duc de Nagère ^ et l'alcado de las Donzelles^, lieutenant oudit royaulme pour le roy d'Espaigne, y avoient mis, et estoient tous bons et loyaulx serviteurs à leur maistre; firent responce