Diego Fernandez de Gordova, alcade de Las Donzellas

344 HISTOIRE DE BAYART

qu'ilz ne rendroient point la place et eulx encores moins. La trompeté en vint faire son rapport, lequel ouy par le bon chevalier, ne fist autre délay, sinon de faire asseoir quatre grosses pièces d'artillerie qu'il avoit, et bien canonner la place et vivement. Ceulx de dedans, qui estoient environ cent hommes, avoient force hacquebutes à croc et deux faulconneaux qui firent très bien leur devoir de tirer à leurs ennemys ; mais si bien ne sceurent jouer leur roolle qu'en moins d'une heure n'y eust berche à leur place assez grandete, mais mal aysée pour ce qu'il failloit monter. Or en telles matières fault autre chose que souhaiter. Si fist le bon chevalier sonner l'assault, et vint aux lansquenetz, les enhortant^ d'y aller. Leur truchement parla pour eulx, et dist que c'estoit leur ordonnance que, toutesfois qu'il se prenoit place d'assault, qu'ilz dévoient avoir double paye, et que, si on leur vouloit promettre yroient audit assault, autrement non. Le bon chevalier n'entendoit point ses ordonnances; toutesfois il leur fist responceque, sans nulle faulte, s'ilz prenoient la place, qu'ilz auroient ce qu'ilz demandoient et leur en répondoit pour ce qu'il ne vouloit pas demourer longuement là. Il eut beau promettre, mais au dyable le lansquenet qui monta jamais à la berche. Les adventuriers y allèrent gaillardement, mais ilz furent lourdement repoussez par deux ou trois fois; et de fait ceulx qui defïendoient monstroient bien qu'ilz estoient gens de guerre. Quant le bon chevaher congneut leur cueur, pensa bien qu'il ne les auroit jamais de ceste lute ; si fîst sonner la