CHAPITRE LIX

Comment le roy de France Françoys , premier de ce nom, passa les montz, et comment il envoya devant

le bon chevalier sans paour et sans reprouche, et de la prinse du seigneur Prospre Coulonne par sa subtilité, lî

Après le sacre du roy François, premier de ce nom, et sa couronne prinse à Sainct-Denys, s'en revint faire son entrée à Paris, qui fut la plus gorgiase et triumphante qu'on ait jamais veu en France ; car de princes, ducz, contes et gentilzhommes en armes, y avoit plus de mille ou douze cens. L'entrée fàicte, y eut plusieurs joustes et tournoiz en la rue Sainct- Antoine, où chascun fist le mieulx qu'il peut. Ledit seigneur s'y tint jusques après Pasques, où cependant se traicta l'appoinctement de luy et de l'archeduc conte de Flandres*, moyennant le mariage de luy et de madame Renée de France, belle-seur du roy. Il y fut aussi fait d'aultres mariages, comme de madame Marie d'Angleterre, lors vefve du feu roy Loys douziesme et douairière de France, avec le duc de Suffort, messire Charles Brandon-, qui estoit fort aymé du roy d'Angleterre, son maistre, et du conte de Nansso à la seur du prince d'Orenge^. Le duc de Bourbon fut faict connestable de France*, et environ le