CHAPITRE LVIII

Du trespas de la magnanyme et vertueuse princesse Anne, royne de France et duchesse de Bretaigne. Du mariage du roy Loys X/P avecques Marie d'Angleterre, et de la mort dudit roy Loys.

Le bon roy de France Louis XIP, après avoir passé toutes ses fortunes en ceste année mil cinq cens et treize et qu'il eut fait asseoir ses garnisons en Picardie, s'en retourna en sa ville de Bloys où il se vouloit resjouyr quelque peu, mais le plaisir qu'il y pensoit prendre luy tourna en grande douleur et tristesse; car, environ le commencement de janvier, sa bonne compaigne et espouse Anne, royne de France et duchesse de Bretaigne, tumba malade fort grièvement, car, quelques médecins que le roy son mary ny elle eussent pour luy ayder à recouvrer santé, en moins de huyt jours rendit l'ame à Dieu, qui fut dommage nom-pareil pour le royaulme de France et dueil perpétuel pour les Bretons. La noblesse des deux pays y fist perte inestimable, car de plus magnanyme, plus vertueuse, plus sage, plus libéralle ne plus acomplie princesse n'avoit porté couronne de France depuis qu'il y a eu tiltre de royne * . Les François et Bretons ne plaignirent pas seuUement son trespas, mais es

1. Anne de Bretagne mourut le 13 février 1513. Dans la cérémonie des funérailles, Bayart marcha près du corps de la reine (Godefroy, Cérémonial de France, 1619, p. 124).

Almaignes, Espaignes, Angleterre, Escosse, et en tout le reste de l'Europe fut plaincte et plorée. Le roy son mary ne donnoit pas les grans sommes de deniers de paour de fouller son peuple, mais ceste bonne dame y satisfaisoit ; et y avoit peu de gens de vertus en ses pays à qui une fois en sa vie n'eust fait quelque présent. Pas n'avoit trente et huyt ans acomplis la gentille princesse, quant cruelle mort en fist si grant dommage à toute noblesse. Et qui vouldroit ses vertus et sa vie descripre comme elle a mérité, il fauldroit que Dieu fist ressusciter Cicero pour le latin et maistre Jehan de Meung pour le françois, car les modernes n'y sçauroient attaindre. De ce tant lamentable et très piteux trespas en fut le bon roy Loys si affligé que huyt jours durant ne faisoit que larmoyer, souhaitant à toute heure que le plaisir de Nostre-Seigneur feust luy aller tenir compaignie. Tout le reconfort qui luy demoura, c'estoit que de luy et de la bonne trespassée estoient demourées deux bonnes et belles princesses, Claude et Renée, qui avoit environ trois ans. Elle fut menée à Sainct-Denys, et là enterrée ; et luy fut fait son service tant audit Bloys que audit lieu de Sainct-Denys, autant sollempnel qu'il fut possible, plus de trois moys entiers par tout le royaulme de France ; et par la duché de Bretaigne n'eust-on ouy parler d'autre chose que de ce lacrymable trespas. Et croy certainement qu'il en souvient encores à plusieurs ; car les grans dons, le doulx recueil et gracieulx parler qu'elle faisoit à chascun la rendront immortelle.

Environ le moys de may après, qu'on disoit mil cinq cens et quatorze, épousa monseigneur François,

368 HISTOIRE DE BAYART

duc de Valois et d'Angolesme, prochain héritier de la couronne, madame Claude, aisnée fille de France et duchesse de Bretaigne, au lieu de Sainct-Germain-en- Laye.

En ladicte année, et environ le moys d'octobre, par le moyen du seigneur de Longueville, luy estant prisonnier, qui avoit traicté le mariage en Angleterre du roy Loys et de madame Marie, seur audit roy d'Angleterre, fut icelle dame amenée à Abbeville, où ledit seigneur l'espousa. Il n'avoit pas grant besoing d'estre marié, pour beaucoup de raisons et aussi n'en avoit-il pas grant vouloir; mais parce qu'il se voyoit en guerre de tous costez, qu'il n'eust peu soustenir sans grandement fouUer son peuple, ressembla au pellican ; car, après que la roy ne Marie eut fait son entrée à Paris, qui fut fort triumphante, et que plusieurs joustes et tournois furent achevez, qui durèrent plus de six sepmaines * , le bon roy, qui à cause de sa femme avoit changé toute manière de vivre, car où il souloit disner à huyt heures convenoit qu'il disnast à midy, où il se souloit coucher à six heures du soir, souvent se couchoit à minuyt, tumba malade à la fin du moys de décembre, de laquelle maladie tout remède humain ne le peult garantir qu'il ne rendist son ame à Dieu le premier de janvier ensuyvant, après lami-nuyct. Ce fut en son

1. Bayart prit part aux tournois donnés à l'entrée de la reine Marie à Paris : le Livre des Joutes qui furent faictes à Paris à l'entrée de la royne Marie d'Angleterre constate qu'il rompit dix lances (Bibl. nation., Ms. Fr. 5103). Ses principaux adversaires dans ces tournois furent Montmorency, Maugiron, Dampierre, la Baume, Ghandos, etc.

PAR LE LOYAL SERVITEUIl. 369

vivant ung bon prince, saige et vertueux, qui maintint son peuple en paix sans le fouller aucunement fors que par contraincte. Il eut en son temps du bien et du mal beaucoup, parquoy il avoit ample congnoissance du monde; plusieurs victoires obtint sur ses ennemys, mais sur la fin de ses jours fortune luy tourna ung peu son effrayé visaige. Le bon prince fut plainct et ploré de tous ses subjectz, et non sans cause, car il les avoit tenuz en paix et en grande justice, de façon ({ue après sa mort et toutes louenges dictes de luy, fut appelle père du peuple; ce tiltre luy fut donné à bonne raison. Il n'avoit pasencores cinquante-six ans quant il paya le tribut de nature. On le porta enterrer à Sainct-Denys, avecques ses bons prédécesseurs, en grans pleurs et criz, et au grant regret de ses subjectz. Après luy succéda à la couronne Françoys, premier de ce nom, en l'aage de vingt ans, beau prince autant qu'il en y eust point au monde, lequel avoit espousé madame Claude de France, fille aisnée du roy son prédécesseur et duchesse de Bretaigne. Jamais n'avoit esté veu roy en France de qui la noblesse s'esjouyst autant. Et fut mené sacrer à Reims, acompaigné de tous ses princes, gentilzhommes et officiers, dont il y avoit si grant nombre que c'est quasi chose incroyable. Et fault dire que les logis estoient pressez, car il n'y avoit grant, moyen ne petit qu'ilz ne voulsissent estre de la feste.