Dronero, province de Goni

5. Pour : Questo Daiardo passato a gli monti : inpoco l'avro corne un pippione in gabbia. Nous avons cru devoir remplacer par des points les mots ynanee poco de que donne le texte et qui n'ont aucun sens.

bon chevalier, et aussi estoit acertené comment les bons cappitaines marchoient pour parachever l'entreprise. Le seigneur de Moréte, de la maison du Solier* et ung sien cousin pymontois, s'enmesloient d'une grande ruse et en faisoient très bien leur debvoir ; de sorte que la chose feut conclute que l'on yroit trouver le seigneur Prospre dedans la ville de Garmaignolle, en laquelle de nuyt on entroit par le chasteau, ouquel on avoit intelligence, mais que les cappitaines François feussent arrivez, qui ne séjournèrent guères. Et se vindrent tous rendre en la plaine du Pymont, en une petite ville dicte Saveillan^, en laquelle ilz trouvèrent le bon chevalier qui les receut au mieulx qu'il peut. Bien leur dist : « Messeigneurs, il ne nous fault pas reposer icy ; car si le seigneur Prospre scet vostre arrivée, nostre entreprise s'en va rompue; car il se retirera ou bien il appellera les Suysses à son secours, dont il y a bon nombre à Pynerol et à Saluées. Je suis d'advis que nous facions bien repaistre noz chevaulx ceste nuyt, et puis, au point du jour, nous parachèverons nostre affaire. Il y a grosse eaue à passer ; mais le seigneur de Morete que vecy présent, scet ung gué où il nous mènera sans dangier. » Ainsi fut la chose conclute, et s'en alla chascun reposer ung petit, mais on regarda premier si riens failloit aux chevaulx ; et quant se vint deux ou trois heures après la my-nuyt, tout homme monta à cheval sans grant bruyt. Le seigneur Prospre estoit dedans Garmai-

{. Charles de Solar, seigneur de Moretto. 2. Savigliano, à trois lieues de Saluées.

374 HISTOIRE DE BAYART

gnolle^ et avoit bien entendu par ses espies, que les François estoient à la campaigne. Il ne s'en effrayoit guères, car pas ne cuydoit qu'il y eust autre compaignie en la plaine que celle du bon chevalier, et n'estoit point délibéré de desloger de Carmaignolle, n'eust esté que le soir, dont les François luy cuydoient trouver le matin, il eut des nouvelles pour se retirer à Pynerol, affin d'entendre aux affaires, parce qu'on sçavoit au vray que les François estoient aux passages. Si deslogea non pas trop matin , et se mist à chemin très bien en ordre pour s'en aller disner à une petite villette à sept ou huit mille de là, appellée Villefranche-. Quant les François furent arrivez devant le chasteau de Carmaignolle, parlèrent au castelan^, qui leur dist comment il n'y avoit pas ung quart d'heure que le seigneur Prospre et ses gens estoient deslogez ; dont ilz furent si très marriz qu'on ne pourroit penser, et se misrent en conseil qu'ilz dévoient faire. Les ungs vouloient aller après, autres faisoient des doubtes; mais quant chascun eut parlé, le bon chevalier dist : « Messeigneurs, puisque nous sommes si avant, je suis d'advis que nous poursuyvons. Si nous les rencontrons à la campaigne, il y aura beau hutin, s'il ne nous en demoure quelcun. — Par Dieu ! dist le seigneur d'Ymbercourt, oncques homme ne dist mieulx. » Les seigneurs de la Palisse et d'Aubigny n'allèrent pas à l' encontre, et commencèrent à marcher ; mais devant envoyèrent, en habit dissimulé, le