Castelan, châtelain

seigneur de Morete, pour entendre en quel estât seroient leurs ennemys. Si fist si bonne diligence qu'il sceut au vray que le seigneur Prospre et sa bende disnoient à Villefranche. llz furent bien aises, et conclurent en leur affaire qui fut tel : c'est que le seigneur d'Ymbercourt marcheroit devant, avec cent archiers, et, ung ject d'arc après, le suyvroit le bon chevalier avec cent hommes d'armes ; et les seigneurs de la Palisse et d'Aubigny yroient après, avec tout le reste de leurs gens. Or entendez qu'il advint; le seigneur Prospre avoit bonnes espies , et fut adverty en allant à la messe, dedans ceste petite ville de Villefranche, que les François estoient aux champs en gros nombre. Il fist response en son langage qu'il sçavoit bien qu'il n'y avoit que le cappitaine Bayart et sa bende, si les autres ne sont voilez par dessus les montaignes. Ainsi qu'il retournoit de la messe, vindrent encores d'autres espies qui luy dirent : « Seigneur, je vous advertyz que j'ay laissé près d'icy plus de mille chevaulx des François, et vous viennent trouver icy. » Il fut ung peu esbahy ; si regarda ung gentilhomme des siens auquel il dist : « Prenez vingt chevaulx et allez le chemin de Garmaignolle jusques à deux ou trois mille d'icy et regardez si verrez riens qui puisse nuyre. » Cependant il commanda au mareschal des logis de ses bendes qu'il fist sonner la trompette et qu'il allast faire le logis à Pynerol où il le suyvroit, mais qu'il eust mangé ung morceau. Il fist son commandement sur l'heure. Les François marchoient tousjours, selon l'ordonnance cy devant dicte, et approchèrent Villefranche d'environ mille etdemyoù en sortant d'ung petit tailliz vont rencontrer ceulx que le

376 HISTOIRE DE BAYART

seigneur Prospre envoyoit pour les descouvrir. Lesquelz quant ilz les advisèrent commencèrent à tourner le doz et à bride abatue retourner devers Villefranche. Le gentil seigneur d'Ymbercourt leur donna la chasse à tire de cheval, et manda au bon chevalier, par ung archer, qu'il se hastast. Il ne luy convint pas dire deux fois. Avant que les gens du seigneur Prospre eussent gaigné Villefranche, ou tout le moins ainsi qu'ilz voul oient rentrer en la porte, les ataignit le seigneur d'Ymbercourt qui commença à crier : « France! France! » On voulut serrer la porte, mais il les en garda tant qu'il peut, et y fist d'armes le possible, sans estre blessé, fors ung peu au visaige. Cependant va arriver le bon chevalier qui fist ung bruyt merveilleux, en sorte qu'ilz gaignèrent la porte. Ce mareschal des logis qui jà estoit monté à cheval avecques aucuns gens d'armes, et s'en cuydoit aller à Pynerol, ouyt le bruyt ; si se va gecter en la place et se voulut mettre en deffence, mais tout cela fut poussé par terre et en fut tué une partie. Les seigneurs de la Palisse et d'Aubigny arrivèrent, qui misrent garde à la première porte, et en allèrent garder une autre affin que personne ne s'eschappast, car il n'y en avoit que ses deux en la ville ; mais il ne fut possible de si bien les garder que, par dessus la petite planchete qui est joignant du pont leviz, ne se sauvassent deux Albanoys, qui, comme si tous les dyables les eussent emportez, coururent dire à une troppe de quatre mille Suysses, qui n'estoient que à trois mille de là, le meschief^ qui estoit advenu au seigneur Prospre,