Meschief, malheur

lequel cependant fut assailly en son logis où il disnoit et se voulut deffendre comme homme de guerre qu'il estoit ; mais quant il congneut que peu luy vauldroit son effort et qu'il entendit les noms des cappitaines qui estoient là assemblez, se rendit au plus grant regret du monde, mauldissant sa fortune d'avoir ainsi esté surpris, et que Dieu ne luy avoit fait ceste grâce d'avoir trouvé les François aux champs. Le bon chevalier oyans ces parolles le réconfortoit le mieulx qu'il povoit, en lui disant : « Seigneur Prospre, c'est l'heur de la guerre! une fois perdre et l'autre gaigner. » Mais tousjours y avoit-il meslé quelque mot joyeulx ; et disoit encores : « Seigneur Prospre, vous souhaitez nous avoir trouvez à la campaigne ; je vous prometz ma foy que ne le devriez pas vouloir pour la moytié de vostre bien, car à la fureur et ou talent de bien combatre qu'estoient noz gens, eust esté bien difficille que vous, ne nulz des vostres feussiez eschappez vifz. » Le seigneur Prospre respondoit froidement : « J'eusse bien voulu, s'il eust pieu à Nostre Seigneur, prendre sur ce hazard, l'adventure. »

Quant et le seigneur Prospre furent pris le conte PolicastreS PetreMorgant et Charles Cadamosto, lesquelz estoient cappitaines des gens de guerre estans là, qui furent aussi prisonniers. Et puis chascun se mist au pillage, qui fut fort grant pour si petite compagnie, car s'il eust esté bien mené on en eust tiré cent cinquante mille ducatz. Et entre autres choses c'estoit ung trésor des chevaulx qui y furent gaignez, où il y en

1. Frédéric Garaffa, comte de Policastro, fils de Jean Garaffa. Il mourut assassiné à Naples.

avoit six ou sept cens, dont les quatre cens estoient de pris, tous coursiers ou chevaulx d'Espaigne. Et a l'on depuis ouy dire au seigneur Prospre que ceste prinse luy cousta cinquante mille escus, tant en vaisselle d'or et d'argent, argent monnoyé, que autres meubles ^ . Les François n'eurent pas loysir de tout

1. Arrivé [à Ambrun, le roy] eut advertissement comme Prospère Colonne, grand capitaine romain qui estoit venu avec quinze cens chevaux envoyés par le pape Léon au secours des Suisses, estoit logé au pied des montagnes dans le Piedmont, ne se doubtant de rien, parce que les Suisses tenoient tous les destroits et passages des montagnes. Mais il fut rapporté par quelques bons guides qui estoient à messire Charles de Soliers, seigneur de Morette, qu'il y avoit un passage près de Rocque-Esparvière, auquel les Suisses ne faisoient point de garde parce qu'on n'y avoit jamais veu passer gens de cheval, et que par là on pourroit surprendre ledict Prospère Colonne. Ledict rapport faict le roy despescha le mareschal de Chabannes, le seigneur d'Imbercourt, le seigneur d'Aubigny, le seigneur de Bayart, le seigneur de Bussy d'Amboise et le seigneur de Montmorency, pour lors lieutenant de la compagnie du grant maistre de Boisy, pour exécuter ladicte entreprinse sous la conduicte dudit seigneur de Morette et de ses guides. Ayant nos gens descendus à la plaine sans allarme furent advertis que ledict Prospère et sa cavalerie estoient à Villeneufve de Soliers, parquoi prindrent leur chemin, auquel lieu arrivé trouvèrent qu'ils estoient allés à Villefranche, qui est une petite ville assise sur le Pau à deux milles de là... Le seigneur d'Imbercourt, qui avoit charge des coureurs, arriva à la porte de Villefranche sur l'heure du disner; quelques-uns estans dedans la ville voyans approcher lesdicts gens de cheval coururent fermer les portes, mais deux hommes d'armes dudict d'Imbercourt, l'un nommé Beauvais le Brave, Normant, et l'autre Hallancourt, Picard, donnèrent contre la porte à bride abbatue de cul et de teste, de sorte que iceluy Hallancourt du choq de son cheval tomba dans les fossés. Si est-ce qu'il esbranla ceux qui vouloient fermer la porte, tellement que Beauvais eut loysir de jetter sa lance dedans la porte et empescha qu'elle ne peust soudain estre fermée, car incontinant arriva le seigneur d'Imbercourt, lequel mettant pied

emporter, car nouvelles vindrent que les Suysses, devers lesquelz ses deux Albanoys estoient allez, marchoient le grant trot et estoient desjà bien près ; si furent entre eulx-mesmes conseillez d'eulx mettre au retour, et sonna la trompette à ceste fin. Ghascun prist le meilleur de son butin, misrent leurs prisonniers devant eulx, puis s'en retournèrent ; et comme ilz sortoient par une porte, les Suysses entroient par l'autre , mais les ungs estoient à pied et les autres à cheval qui ne s'en soucyoient guères. Ce fut une des belles entreprinses qui deux cens ans devant eust esté faicte, et le seigneur Prospre qui se ventoit qu'il prendroit le bon chevalier comme le pyjon dedans la caige, eut le contraire sur luy-mesmes, et tout par la vigilance d'icelluy bon chevalier.

Le roy de France estoit desjà par les montaignes où jamais n'avoit passé armée, et eut les nouvelles de ceste belle deffaicte à la montaigne de Sainct-Pol*, dont il fut joyeulx à merveilles ; si fut toute sa compaignie. Or n'est-il riens si certain que la prinse de Prospre Goulonne fist moult de service aux François ; car sans cela se feust trouvé à la bataille qui fut quelque temps après , et par son moyen s'i feussent trouvez tous les Espaignolz et le reste de l'armée du

à terre força la porte. Pendant ce temps arriva le mareschal de Ghabannes et tout le reste et entrèrent tous à cheval dedans la ville où fut surpris ledit Prospère Colonne estant à table... Ce faict, nos gens craignant les Suisses, qui estoient à Gosny, avec leurs prisonniers et chevaulx se retirèrent à Fossan (Du Bellay, liv. I). On trouve des détails peu différents sur cette affaire, qui se passa le 15 août 1515, dans Marillac (Vie du connétable de Bourbon), Champier (fol. xlviii) et Aymar du Rivail (fol. 559). 1. Saint-Paul-sur- Ubaye (Basses- Alpes).

380 HISTOIRE DE BAYART

pape, qui eulx assemblez eussent fait nombre de mille hommes d'armes, qui estoient pour faire de l'ennuy et de la fascherie, dont on se passa bien.