Envis, à regret; invité

2. Le deuxième séjour de Charles VIII à Lyon et le pas d'armes de "Vaudray eurent lieu au mois d'avril 1491.

3. Claude de Vaudray, s"- de l'Aigle et Chilli, chambellan du duc de Bourgogne, bailli de Mortagne, fils d'Antoine de Vaudray et de Marguerite de Chauffourg, épousa Marie de Challant et mourut sans enfants en 1515.

qu'il peut, et fist pendre ses escuz, où tous gentilzhommes qui avoient désir d'eulx monstrer venoient toucher, et se faisoient inscripre au roy d'armes qui en avoit la charge, llng jour, passoit par devant les escuz le bon chevalier, qui desjà, par le nom que le roy luy donna à Esnay, estoit de chascun appelle Picquet, si va penser en soy mesme : « Hélas, mon Dieu ! si je sçavoye comment me mettre en ordre, tant voulentiers je toucheroye à ses escuz, pour sçavoir et apprendre des armes ! » Et sur cela s'arresta tout coy et demoura pensif. Avecques luy estoit ung sien compaignon, de la nourriture du seigneur de Ligny, appelle BellabreS qui luy dist : « En quoy songezvous, compaignon , vous me semblez tout estonné? — Sur ma foy ! respondit-il, mon amy, aussi suis-je, et je vous en diray présentement la raison. Il a pieu à monseigneur me mettre hors de paige, et de sa grâce m'a accoustré et mis en ordre de gentilhomme. Vouloir me semond de toucher aux escuz de messire Claude, mais je ne say, quant je l'auroye fait, qui me fourniroit après de harnoys et de chevaulx. » Alors respondit Bellabre, qui plus estoit aagé que luy et fort hardy gentilhomme (car d'une chose veulx advertir tous lysans ceste hystoire, que de la nourriture de ce gentil seigneur de Ligny sont sortiz cinquante gentilzhommes, dont trente ont esté tous vaillans et vertueux cappitaines en leur vie) : « Mon compaignon, mon amy, vous souciez-vous de cela? N'avez-vous pas

1. Pierre de Pocquières, s' de Bellabre et de la Marche, un des plus chers compagnons de Bayart, qu'il accompagna dans la plupart de ses expéditions.

26 HISTOIRE DE BAYART

vostre oncle, ce gros abbé d'Esnay? Je faiz veu à Dieu que nous yrons à luy, et s'il ne veult fournir deniers, nous prendrons crosse et mictre ; mais je croy que, quant il cognoistra vostre bon vouloir, il le fera voulentiers. » Et sur ces paroles il va toucher aux escuz. Montjoye, roy d'armes, qui estoit là pour escripre les noms, luy commencea à dire : « Comment, Picquet, mon amy, vous n'aurez barbe de trois ans, et entreprenez-vous à combatre contre messire Claude, qui est ung des plus rudes chevaliers qu'on sache? » Lequel luy respondit : « Montjoye, mon amy, ce que j'en faiz n'est pas orgueil ne oultrecuydance, mais seullement désir d'aprendre les armes peu à peu avecques ceulx qui me les peuvent monstrer, et Dieu, si luy plaist, me fera la grâce que je pourray faire quelque chose qui plaira aux dames. » De quoy Montjoye se prist à rire et s'en contenta très fort.

Si courut incontinent par tout Lyon le bruit que Picquet avoit touché aux escuz de messire Claude , et vint jusques aux oreilles dudit seigneur de Ligny, qui n'en eust pas voulu tenir dix mille escuz. Si s'en alla le dire au roy incontinent, qui en fut très joyeulx, et luy dist : « Par la foy de mon corps ! cousin de Ligny, votre nourriture vous fera une fois de l'honneur, car le cueur le me juge. — Nous verrons que ce sera, respondit le seigneur de Ligny, il est encores bien jeune pour endurer les coups de messire Claude. » Or ne futce pas le plus fort pour le bon chevalier d'avoir touché aux escuz, mais de trouver argent pour avoir chevaulx et acoustremens. Si vint à son compaignon Bellabre auquel il dist : « Mon compaignon, mon amy, je vous prie estre mon moyen envers monseigneur d'Esnay,

mon oncle, qu'il me donne de l'argent ; je scay bien que si mon don^ oncle monseigneur de Grenoble estoit icy, il ne me laisseroit pour riens, mais il est en son abbaye de Sainct-Surnyn à Thoulouze^ C'est bien loing ; jamais ung homme n*y seroit allé et venu à temps. — Ne vous chaille^, dist Bellabre, nous yrons vous et moy demain matin parler à luy, et j'espère que nous ferons bien nostre cas. » Gela resjouyt quelque peu le bon chevalier, toutesfois il ne reposa guères la nuyt. Bellabre et luy couchoient ensemble, levèrent matin, et puis se misrent en ung de ses petis bateaux de Lyon, et se firent mener à Esnay. Eulx descenduz, le premier homme qu'ilz trouvèrent dedans le pré, ce fut l'abbé qui disoit ses heures avecques ung de ses religieux. Si l'allèrent saluer les deux gentilzhommes , mais luy, qui desjà avoit ouy parler conmient son nepveu avoit touché aux escuz de messire Glande, et se doubtoit bien qu'il fauldroit foncer^, ne leur fist pas grand recueil % mais s'adressa à son nepveu et luy dist : « Hé! maistre breneux, qui vous a donné ceste hardiesse de toucher aux escuz de messire Claude de Vauldray? Il n'y a que trois jours qu'estiez paige, et n'avez pas dix-sept ou dix-huit ans. On vous deust encores donner des verges, qui montez