CHAPITRE VL

Comment ung gentilhomme de Bourgongne^ nommé messire Claude de Vauldray, vint à Lyon par le vouloir du roy de France faire faictz d'armes tant à cheval comme à pied, et pendit ses escuz pour par

ceulx qui y toucheroient estre par lui receuz au combat ; et comment le bon chevalier, trois jours après qu'il fut mis hors de page, toucha à tous les escus.

Quelque temps demoura le duc de Savoye à Lyon, où il fist fort bonne chère, tant avecques le roy que les princes et seigneurs de France. Si advisa qu'il estoit saison de retourner en ses pays, parquoy il demanda congé, qui luy fut donné bien envis* ; toutesfois il n'est si bonne compaignie qu'il ne conviengne départir. Le roy lui fist de beaulx et honorables présens, car de libéralité estoit assez remply. Ainsi s'en retourna le bon duc Charles de Savoye en ses pays. Le roy de France alla visitant son royaulme; et deux ou trois ans après se retrouva audit Lyon *, où il arriva ung gentilhomme de Bourgongne, qu'on nommoit messire Claude de Vauldray^ appert homme d'armes, et qui désiroit à merveilles de les suyvre. Si fist suppHer au roy que, pour garder d'oisiveté tous jeunes gentilzhommes, luy voulsist permettre de dresser ung pas, tant à cheval comme à pied, à course de lance et coups de hache , ce qui luy fut accordé, car le bon roy ne demandoit, après le service de Dieu dont il estoit assez songneux, que joyeulx passe-temps. Si dressa son affaire icelluy messire Claude de Vauldray le mieulx