Jametz (Ardennes
2. Charles de Bourbon, duc d'Alençon, gouverneur de Champagne, Perche et Normandie, pair de France, fils de René de Bourbon et de Marguerite de Lorraine, épousa Marguerite d'Orléans et mourut en 1525.
3. Le siège de Mouzon commença le 21 août 1521. On trouvera à l'appendice les lettres échangées à cette occasion par les capitaines français et allemands.
4. Louis de Hangest, s' de Montmor et Chaleranges, grand écuyer de Bretagne, capitaine de 30 lances, fils de Jean de Hangest et de Marie d'Amboise. Sa conduite à propos du siège de Mouzon fut discutée; les uns l'accusèrent d'impéritie ou de lâcheté, les autres le plaignirent de n'avoir pas pu se faire obéir de ses soldats. Voir à l'appendice plusieurs lettres à ce sujet.
gens de pied avecques sa compaignie en la ville, qui n'estoit guères bien munye d'artillerie ny de vivres, et qui pis est les compaignies qui estoient dedans ne se trouvèrent pas du vouloir de leur cappitaine et gouverneur, qui délibéroit jusques à la mort garder la ville; et quelques remonstrances qu'il sceust faire aux gens de pied, se trouva en dangier dedans et dehors ; parquoy, pour éviter plus gros inconvénient, rendit la ville, leurs vies saufves. On en murmura en beaucoup de sorte, et disoient aucuns que le cappitaine ne s'estoit pas bien porté ; mais les gens d'honneur et de vertu congneurent bien qu'il ne se povoit faire autrement, et qu'il n'avoit pas tenu audit seigneur de Montmor qu'il n'estoit mort sur la berche ; car si tous ceulx qui estoient avec luy eussent esté de son cueur, les Almans ne fussent pas tirez plus oultre. Or, la ville de Mozon rendue si soubdainement donna quelque tiltre d'esbahyssement aux François, qui ne pensoient jamais que l'empereur eust voulu rompre la trefve. Toutesfois en telles choses le souverain remède est de prompte provision. On regarda que Maizières estoit la plus prochaine ville, après Mozon, et qu'il failloit entendre à la garder et deffendre; car si elle se perdoit, la Champaigne s'en alloit en mauvais party. Le roy de France en fut adverty, lequel manda soubdainement qu'on envoyast le bon chevalier sans paour et sans reprouche dedans ladicte ville de Maizières, et qu'il ne congnoissoit homme en son royaulme en qui il se fiast plus; davantage que son espoir estoit qu'il la garder oit si bien et si longuement que sa puissance seroit assemblée pour résister aux surprinses que l'empereur luy
394 HISTOIRE DE BAYART
vouloit faire. De ce commandement n'eust pas voulu tenir le bon chevalier sans paour et sans reprouche cent mille escuz, car tout son désir estoit de faire service à son maistre et d'acquérir honneur. Il s'en alla gecter dedans Maizières, avecques le jeune seigneur de Montmorency* et quelques autres jeunes gentilzhommes qui de leur gré l'acompaignèrent, et d'ung nombre de gens de pied, soubz la charge de deux jeunes gentilzhommes, l'ung nommé le cappitaine Boncal, de la maison de Reffuge, et l'autre le
seigneur Montmoreau.
